04-08-2022, Prezidente Komisaun Funsaun Públika, Faustino Cardoso Gomes no Komisária portfóliu finansas, baze dadus iha funsaun públika, pensaun, reforma, protokolu no komunikasaun sosial, Maria de Jesus Sarmento partisipa iha programa “Dialogu Polítika Dezenvolvimentu Entre Australia – Timor –Leste no Asina Akordu ba Programa PROSIVU”, ne’ebé realiza iha auditóriu Xanana Gusmão, Ministériu Finansas, Aitarak-Laran.
Objetivu husi dialogu anual ba polítika dezenvolvimentu entre Australia no Timor-Leste hanesan plataforma ida ba Governu Australia no Timor-Leste hodi hetan konkordansia kona-ba prioridade dezenvolvimentu, identifika área ba apoiu no refleta kona-ba susesu no dezafiu sira ne’ebé parseria sira hetan.
Hafoin abertura ba programa ne’e Governu Timor-Leste liu husi Ministru Finansas, Rui Augusto Gomes ho Embaixador Australia, Bill Costello realiza asinatura MoU servisu hamutuk ba programa PROSIVU.
Nune’e kontinua halo aprezentasaun Timor-Leste ba Grande Planu Opsaun ba tinan 2023 nian no prioridade sira, reflesaun ba prioridade dezenvolvimentu rai laran.
Dialogu ne’e governu Australia liu husi embaixada Australia iha Timor-Leste hodi apoia no haree ba prioridade dezenvolvimentu sira no vizaun estratéjika inklui sustentabilidade ba fundu petrolíferu, devirsikasaun ekonómika n hasa’e kapital umanu, reforma iha jestaun finansas públikas, foka iha ligasaun sira iha prestasaun ba servisu no desentralizasaun no reforma administrasaun públika.
Entretantu, embaixador Australia iha Timor-Leste, iha komitmentu atu kontinua apoia no servisu hamutuk ho governu Timor-Leste ba dezenvolvimentu área sira relevantes.
Partisipa iha dialogu ne’e membru governu VIII Governu Konstitusional no diretores jerais servisus korporativus husi liñas ministeriais, instituisaun públikus no empreza sira.
Ataúro, Ekipa kuadrilateral kompostu husi rovedoria Direitus Umanus no Justisa (PDHJ), Komisaun Funsaun Públika (KFP),…
English Language Training for ASEAN Accession (ELTAA) hahú ona kursu ba kargus dirijentes husi liñas…
Relasiona ho polítika Komisaun Funsaun Públika nian ne’ebé iha kompeténsia sira ba jestaun rekursu umanus…
Primeira vizita Embaixador Índia ba Timor-Leste mai Komisaun Funsaun Públika hodi ko’alia kona-ba kooperasaun iha…
Prezidente Interinu Komisaun Funsaun Públika Komisáriu José Telo Soares Cristovão, Komisária Anita Tavares Ribeiro de…
Komisaun Funsaun Públika ne’ebé lidera husi Prezidente KFP, Agostinho Letêncio de Deus hanesan head of…