Comissão da Função Pública

Diretora Nasional Forsa Traballu no Mobilidade Funsaun Públika, Anita de Jesus Tavares Ribeiro reprezenta Komisaun hodi partisipa iha Tomada de Posse ba estutura foun Institutu Politéknika Betanu (IPB), ba Prezidente Konsellu Jeral no membru sira hamutuk 13, suplente nain 3 no Vise Prezidente Asuntu Akadémiku. Emposadus sira hamutuk 17, kompostu husi feto 4 no mane 13.

Reprezentante KFP, diretora Anita Tavares iha nia diskursu kongratula emposadus estutura foun IPB nian ne’ebé hetan posse, nomós ba Konsellu Jeral IPB ne’e rasik. Komisaun espera katak, estrutura IPB ne’e bele halo ona knar tuir planu ka espetativas no misaun ne’ebé iha.

KFP mós akompaña prosesu sira ne’e hotu, liu-liu ba prosesu rekrutamentu ba iha forsa traballu ka iha rekrsus umanus iha IPB ninian, no koa’lia mós kona-ba rejime kareiras administrasaun públika no rejime kargus diresaun no xefia iha administrasaun públika.

Serimonia Tomada de posse ne’e hala’o iha kinta-feira, 11 Abril 2019, iha IPB Kayrala Xanan Gusmão, Betano, Postu Administrativu Same, Munisipiu Manufahi.