Comissão da Função Pública

Servisu atendimentu KAK tenke mai husi funsionáriu ne’ebé mak livre husi polítikamente izentus, imparsiais, rekrutadu baze ba méritu, ne’ebé mak detentor altu padraun ho profesionalizmu, ho propózitu hodi presta servisu ho kualidade ba Estadu no povu Timor Leste, destaka Prezidente Interinu KFP, komisáriu asuntu disiplinar, Fausto Freitas da Silva.

Objetivu Komisaun Funsaun Públika mak apoia KAK ba prosesu rekrutamentu hodi garante izensaun no imparsialidade, garante administrasaun públika ne’ebé konstrui ba baze forte no permanente, wainhira governu mai no ba,  maibé funsaun públika kontinua. Relasiona ho korupsaun nian afeta ba paíz hotu hanesan sosial, polítika no ekonómika ne’ebé manifesta liu husi subornu, konflitu interese, falsifikasaun, favoresimentu ho konkluzaun ba nepotizmu no seluk tan.

Esplika Prezidente Interinu Komisáriu Fausto Freitas da Silva, administrasaun públika mak pilar Estadu ne’ebé importante, tuir konstituisaun RDTL administrasaun públika ba interese públiku ho respeitu liu husi direitu no interese legítimu ba sidadaun instituisaun. Iha funsaun públika integridade hodi trata seriedade ba responsabilidade tuir espetativa ba populasaun, presta ba servisu di’ak ba prevensaun korupsaun konkretiza ba fiskalizasaun no promosaun integridade.

“Pilar importante hodi kombate korupsaun ba represaun, KFP nia parte prosesa ona 300 ital prosesus disiplinares ba kada tinan. Barak liu envolve p’ratika iregularidades korupsaun, nune’e KFP liu husi aplikasaun pena disiplinar sira ba represaun, suspensaun, inatividade no pena demisaun, ne’e mak asaun sira ne’ebé demonstra no eziste iha penas administrativas nian. Wainhira ajente públiku ida hanoin ba ninia atus sira ne’ebé mak iha, konsekuensia sira ne’ebé nia hasoru ne’ebé barak mak prátika atus korupasaun,” esplika Prezidente Interinu Komisáriu asuntu disiplinar, Fausto Freitas da Silva iha serimónia asinatura termu aseitasaun no posse ba funsionáriu foun KAK nian iha Farol, segunda feira, (07/11/2022).

Nune’e Prezidente Interinu Komisáriu Fausto Freitas da Silva kongratula emposadu sira ho susesu iha kareira importante ida ne’e ba nasaun nia di’ak, ne’ebé inisia ohin ba oin sai ona espesialistas anti korupsaun nian.

Emposadu ne’e ho totál hamutuk 24 kompostu husi feto nain 8 no mane nain 16.