Comissão da Função Pública

Funsionáriu sira iha Ministériu barak maka sei feriadu nafatin iha dia 03 de Janeiru 2025, ne’e konsidera falta, tanba Governu fó tolerânsia de pontu hodi deskansa too dia 02 de Janeiru.

Prezidente Komisaun Funsaun Públika Agostinho Letêncio de Deus hato’o lia hirak ne’e ba GMN-TV iha nia Gabinete Caicoli Dili durante entrevista, relasiona ho Jornalista sira nia observasaun ba Ministériu sira katak maioria funsionáriu sidauk ativu iha dia 03 de Janeiru uiha inísiu du dia.

Tuir Prezidente katak, regulamentu ka prosedimentus lubuk ida, ne’e la’ós foin aplika maibé, durante ne’e la’o hela no inklui sirkular, tanba ne’e Rekursus Humanus kada Ministériu presiza tau atensaun ba ida ne’e no oinsá halo xamada atensaun no korte saláriu.

Primeira pessoa KFP ne’e subliña, tolerânsia de pontu ba funsionáriu iha maibé, iha posibilidade hodi deskansa maibé lá signifika katak feriadu total maibé, servisu ne’ebé urjentemente rezolve, funsionáriu prontu atu halo servisu ezemplu: maka Ministériu Finansas Dirijente sira halo servisu to’o dia 31 Dezembru kalan.

Kestiona kona-ba sansaun hodi fó kortes ba saláriu Prezidente responde katak, wainhira Kargus no Xefia sira halo ona xamada atensaun funsionáriu refere, sei enfrenta mós impedimentu ba promosaun ruma iha futuru.