Comissão da Função Pública

04 marsu 2025, Prezidente Komisaun Funsaun Públika, Agostinho Letêcio de Deus halo abertura offisial ba kursu Indusaun Jeral ba funsionárius foun nain 48, feto 24 no mane 24 mai husi Instituisaun haat hanesan Prokurador Jeral Repúblika nain 4, feto ida mane tolu, Institutu Politékniku Betanu nain 15 Feto 5 Mane 10, Institutu Nasionál Administrasaun Públika nain 28 Feto 17 mane 11 no Ministériu Planeamentu Investimentu Estrategiku (MPIE)  Feto  ida.

Prezidente KFP Agostinho Letêncio de Deus aprezenta matéria ho tópiku kona-ba Patriotizmu no Nasionalizmu ba partisipantes kursu Indusaun Jeral  hateten, hahú ohin aprende kona-ba koñesimentu pasionalizmu katak ideologia ida hanorin mai ita oinsá moris iha nasaun ida nu’udar sidadaun di’ak ida ho responsabilidade.

Prezidente KFP dehan, hanesan funsionárius públiku tenke hatene ida-idak nia responsabilidade defende identidade soberania nasional ho karakter a’as liu, hamutuk labele fahe malu, defende identidade territorial tuir doutrina, forma nasionalizmu síviku fó ita nia  partisipasaun ativu iha polítika Estadu nian. Relasaun ho kultura ka étika sosiedade ida-idak nian, ho nasionalizmu kultural mosu tanba, nasaun hetan legitimodade polítika husi kultura ne’ebé fahe no la’ós husi atributu sira hanesan kór, kulit ka lian. Patriotizmu signifika, hadomi nia Rain rasik normalmente atitude eroizmu sira ne’ebé indika ideologia, doutrina ka fiar, nu’udar sentimentu ba ita nia Rain ho korajen halo sakrifisiu ba nasaun no Estadu, nunka deziste sempre firme fó an nia isin ho klamar ba nasaun no Estadu.

Diretor Jeral INAP, Policarpo Boavida liu husi nia intervensaun husu ba partisipantes kursu indusaun jeral sira katak, durante hahú husi loron 04 Marsu ida ne to’o 01 Abril 2025 imi akompaña didiak aprezentasaun husi materia  formador sira atu hatene loloos dever obrigasaun no direitu funsionáriu ida-idak nian, tuir regras normal kumpri dever uluk  depois mak ezige atu simu direitu, maibé nu’udar funsionáriu  probatóriu sei liu etapa lubuk ida mak ba funsionáriu permanente depende ba imi ida-idak nia avaliasaun dezempeñu tenke priense kriterius normal tinan ida, loro-loron xefe seksaun, departamentu no diretor observa imi saida mak imi halo lor-loron iha imi nia Instituisaun ida-idak.