Comissão da Função Pública

Grupu Jestores Profissional Rekursu Umanu (GJPRU) ba da-ha’at ne’ebé organiza husi Ministériu Ensinu Superior Siensia no Kultura (sigla português MESCC) ho topiku Garante Kualidade Rekursu Umanu iha Administrasaun Públika liu husi Formasaun Profesional  iha Sesta-Feira 29 Setembru 2023.

Objetivu enkontru ne’e atu fahe ba malu esperiensia ministériu nian no mós parte ida interesadu tebes ba funsionáriu sira hotu iha Funsaun Públika atu partilla informasaun sira relasaun no nakait ba servisu rekursu umanu hodi produz fali rekursu umanu ne’ebé di’ak ba nasaun Timor-Leste.

Komisária Maria de Jesus Sarmento hateten, jestaun rekursu umanu funsaun liga ba iha formasaun ne’e importante tebes ba dezenvolvimentu pesoal no kareira no husu mós atu halo diskusaun profunda ba ninia dezafiu sira ministériu nian hodi buka hatene saida mak durante ne’e enfrenta hodi buka solusaun, tanba GJPRU ninia ezistensia atu rezolve situasaun liga ho jestaun rekursu umanus nian.

Aprezentasaun materia iha forum GJPRU ne’e orador husi Ministériu Ensinu Superior Siensia no Kultura, Hernâni V. da C. Soares ko’alia kona-ba “Profile MESCC”, orador husi JICE, Tomita Hiromi ko’alia kona-ba “Programa Japan Internasional Cooperations Center”, orador husi DGESC, Maria Filomena Lay ko’alia kona-ba “Sistema Rejistu no Lisensiatura ba Kursu no Instituisaun foun iha Timor-Leste”, orador husi ANAAA, Nilton D. Paiva Mau ko’alia kona-ba “Prosesu Avaliasaun no Akreditasaun Instituisional no Programatika ba Instituisaun Ensinu Superior sira iha Timor-Leste” orador husi INCT, Maria Elsa Diogo Correira ko’alia kona-ba “Polítika no Dezenvolvimentu RH iha Ensinu Superior” no ikus liu orador husi INSS, Jeferino Bobo ko’alia kona-ba “Matadalan Provizaun ba Vellice, Invalidez, Parentalidade no Mate”.

Enkontru GJPRU nian ne’e hala’o iha salaun Uma Retiru – Madre Carmelita Maubara, Munisípiu Liquiça, ho partisipasaun masimu husi pontu fokal Rekursu Umanu kada liña Ministerial no reprezentante funsionariu kada ministeriu nian husi Munisípiu no Nasional.