Comissão da Função Pública

Tersa-Feira, 11-02-2025, INFORDEPE realiza workshop kona-ba elaborasaun planu estratéjiku INFORDEPE 2026-2030, iha salaun  Ian Martin, Balide.

Objetivu prinsipal mak atu investe iha formasaun profesores eskola primaria no sekundáriu sira ba investimetu ida ne’ebé esensial atu asegura ba edukador, hodi preparadu ho di’ak atu hasoru dezafiu iha klase, fornese edukasaun ida ho kualidade ba estudante sira.

Prezidente Interinu KFP Komisariu ba portefoliu Planeamentu Forsa Traballu, José Telo Soares Cristovão ninia prezensa hateten katak, atu asegura de’it katak tuir dadus funsaun públika bele la’o ho di’ak ba funsionáriu públiku mai husi professor 40% ne’ebé kuaze metade husi funsionariu publiku. Liga ho elaborasaun planu estartejia INFORDEPE nian mak ita hotu pertinente tebes no sai fatór determinante hodi rezolve edukasaun atu la’o ba oin ho di’ak husi 5 to’o 20 anos, tanba ne’e INFORDEPE mak sei produz, eduka no sai sentru eselensia ba eduka profesor sira ne’ebé mak atu hanorin estudante sira no jerasaun kontinuador ba futuru di’ak.

KFP ninia prezensa ba planu estratejiku ne’e ba loron tolu nia laran presiza hetan konsultasaun lubun ida atu sai di’ak liután, KFP nafatin apoiu, tanba INFORDEPE tenke aposta no sai hanesan sentru eselensia no oinsá eduka profesor sira atu sai manorin ida di’ak ba materia ne’ebé iha, no tenke iha mós formasaun ba kargus diresaun foun sira atu oinsá bele hatene sira nia papel ho loloos atu bele orienta servisu iha eskola sira, atu aposta ba kualidade edukasaun ba futuru ida di’ak, no lori mós KFP sira nia naran agradese no konta ho KFP ninia apoiu iha INFORDEPE ninia elaborasaun planu estratejia, dehan Prezidente Interinu KFP.

Iha diskursu Sekretariu Estadu Ensinu Sekundariu Jeral no Ensinu Sekundariu Tékniku Vokasional, Domingos  Lopes Lemos hateten, elaborasaun planu estratejiku INFORDEPE 2026- 2030. Hahú no agradese ba ema hotu ne’ebé iha tempu no esforsu hodi kontribui ba eventu importante  ida ne’e, ba partisipates esensial ba susesu workshop ida ne’e Ministériu Edukasaun hato’o agradesimentu espesial ba ita no parseiru dezenvolvimentu sira liu-liu Austrália, Nova Zelandia ne’ebé sira nia esforsu no kolaborasaun inkansavel, sai hanesan instrumentu hodi avansa sistema edukativa objetivu ba ita nia rain.

Dedikasaun no apoiu kontinua folin boot, Edukasaun iha Timor-Leste ba workshop ida ne’e atu  hametin no dezenvolve Instituisaun INFORDEPE, liu husi elaborasaun planu Eestratejiku ba tinan lima oin mai nu’udar prosesu vital ida hodi define diresaun no prioridade ba formasaun profesor sira, atu hadia kurikulu no kualidade edukasaun iha ita nia nasaun. Buka atu kolabora no indentifika INFORDEPE nia dezafius prinsipal sira no oportunidade hadia sistema edukativa, dezenvolve estratejia sira ne’ebé inovativu no sustentavel hodi bele implementa ho efetivu, efikasia, estabelese objetivu ne’ebé klaru hodi atinji, no orienta dirijente  INFORDEPE ba  futuru edukasional ida ne’ebé di’ak liu, dehan Sekretariu Estadu Ensinu Sekundariu Jeral no Ensinu Sekundariu Tékniku Vokasional, Domingos  Lopes Lemos.

Serimónia ne’e hetan partisipasaun husi parseirus dezenvolvimentu, membru deputadu PN komisaun G ba asuntu edukasaun no saúde nian, reprezentante embaixadores husi Australia, Nova Zelandia, no dirijentes edukasaun nian.