Comissão da Função Pública

Kementrian Koordinator di Bidang Pembangunan Manusia dan Kebudayaan Republik Indonesia (KEMENKOPMK-RI) simu delegasaun nain 10 husi Timor-Leste iha Pilar Sosiu Kultural nian hodi hahú estájiu servisu durante fulan 1 (16 Juñu -14 Jullu 2023).Iha estájiu ne’e hahú ho seremónia resesaun ne’ebé simu direitamente husi KEMENKOPMK.

Objetivu programa estajiu ida ne’e ba Integridade delegasaun husi Timor-Leste atu hasa’e kapasitasaun no koñesimentu rekursu umanu Timor – Leste ninian iha preparasaun enkontru altu nível kona-ba ASEAN ne’e rasik no mós atu inteira mekanízmu no Prosesu procedural sira bainhira TL hetan oportunidade dirije meza enkontru ASEAN.

Atividade ida ne’e ein koodernasaun husi Kementrian Luar Negri Repúblika Indonesia ho objetivu programa ida ne’e, oinsá atu kompriende no familiariza sistema procedural no mekanízmu sira iha ASEAN nian no husu ba estajiáriu delegasaun TL uza oportunidade ida ne’e atu partisipa másimu hodi bele aprende prátika di’ak sira, prinsipalmente iha ASEAN Socio Cultural Community (ASCC) hodi prepara ba kontribuisaun Timor-Leste sai membru permanente, dehan Diretora Kerja Sama Sosial Budaya ASEAN, husi Kementrian Luar Negeri Indonezia, Yuliani Bahar.

Programa estajiu sira ne’e hanesan formasaun ida ne’ebé bele orienta formandu sira husi TL bele apar ho diresaun sira ne’ebé kolokadu ho objetivu bele aprende no lalaok servisu interligasaun entre ministériu sira ba implementasaun programa prioridade sira ba meta ASEAN ninian liu-liu pilar Sosiu Kultura. Liafuan hato’o husi Staf Ahli Bibang Stabilitas Politik dan Pemerintahan, Sorni Paskah Daeli, iha serimónia abertura simu estajiáriu funsionáriu públiku husi instituisaun 10 husi Timor-Leste, iha sexta-feira, (16/06/2023), iha KEMENPOPMK Jakarta Indonézia.

Iha abertura serimónia resesaun ne’e entrega material estajiu ba delegasaun nain hodi hahú kedas ho enkontru diresaun sira nian hodi esplika kona-ba papel, funsaun no organigrama liga ho koordenasaun no sinkronizasaun servisu KEMENKO PMK nian entre liñas Ministériu sira ba prioridade implementasaun programa sira.

Programa internship ne’e apoia husi Kementrian Luar Negeri Indonézia no ein koordenasaun ho Ministeriu Negosiu Estranjeiru no Kooperasaun (MNEK) ne’ebé mak sei dura to’o fulan tolu (12 Juñu -12 Setembru 2023).

Alende ne’e KEMENLU Indonézia sei kontinua koordena hodi fahe estajiariu sira ba nivel instituisaun no nivel enkontru ASEAN nian durante fulan tolu iha Indonezia.