Comissão da Função Pública

KFP, 17 agostu 2018 – Prezidente no Komisarius Komisaun Funsaun Públika akompaña husi Sekretaria Ezekutiva no diretor sira halo audiensia ho Komisaun A Parlamentu Nasional hodi aprezenta ezekusaun OGE tinan fiskal 2017 no 2018 KFP nian iha salaun konferensia PN.

Prezidente KFP, Faustino Cardoso Gomes aprezenta prioridades lubuk ida kona-ba telladu edifisiu KFP nian ne’ebe ho karater urjensia atu hadia ba tinan ne’e. Prioridade ida seluk interligasaun  sistema SIGAP ho Payroll MF nian ne’ebé iha tempu besik sei lansa.

Tuir Prezidente, Komisaun deteta ona kazu lubuk ida kona-ba funsionariu matebian, funsionariu dupla saláriu, tanba ne’e ami hare’e ba ida ne’e oinsa atu asegura  no prevene atu labele iha problema sira hanesan ne’e, oinsa atu asegura no revitaliza funsaun públika sai diak liu tan, prinsipiu méritukrasia. Iha mós esbosu ida koa’lia kona-ba Planeamentu Forsa Traballu, alterasaun DL Avaliasaun Dezempeñu no Rejime Kontratasaun, ne’e hotu hodi hatan ba Reforma AP.

Komisaun mós informa katak tinan ne’e iha komemorasaun loron Funsaun Públika (15 Jullu) la-hala’o distinsaun no prémiu ba funsionáriu sira tanba ita la’o ho rejime duo-desimu. Komisaun tenta atu fó distinsaun no premius iha komemorasaun loron feto ne’ebé monu ihs 3 Novembru tinan ne’e.

Iha tempu hanesan KFP entrega mós livru istorial edifisiu KFP nian ba Prezidente Komisaun A-PN, iha salaun konferensia Parlamentu Nasional.

Tanba kestaun urjensia, audiensia ne’e hala’o koletivu ho PDHJ, CNE, KAK no KFP.