Comissão da Função Pública

25 Janeiru 2022, Prezidente Komisaun Funsaun Públika, Faustino Cardoso Gomes enkontru ho Sua Exelensia Primeiru-Ministru, Taur Matan Ruak hodi atualiza servisu KFP nian.

“KFP reprezenta husi Prezidente KFP mai halo audiénsia ho S.E PM ho ajenda sira hirak ida, felisitasaun tinan foun 2022 ninian, planu enkontru ho diretores jerais, inspetores nivel liñas ministeriais no instituisaun estadu tomak iha tempu badak atu oinsá bele rona orientasaun polítika Governu ninian iha periodu eleisaun ninian, rezultadu promosaun 2021 ne’ebé mak hala’o ona. Iha audiénsia refere KFP aprezenta pedidu ba eselensia PM atu bele hasai ona rezolusaun foun ba teste promosaun  tinan ne’e, 2022 ” esplika Prezidente KFP.

Iha sorin seluk atualiza mós situasaun Funsaun Públika Timor-Leste ninian, to’o iha tinan 2021 nia rohan rejista iha Sistema Integradu Jestaun Administrasaun Públika (SIGAP-sigla portuguéz) ho  totál forsa traballu 35 312. Maibé, dadaun  ne’e forsa traballu rejistadu iha sistema hamutuk 28 065. Númeru ne’e sei hetan mudansa wainhira ministériu sira hotu hato’o renovasaun ba kontratu na Ajente Administrasaun Públika. Dadaun ne’e ministeriu balun deit mak hato’o mai entaun númeru antes automátikamente sistema baze dadus elimina. Primeiru Ministru husu atu enkoraja membru governu sira atu oinsá apresa/halais extensaun ba ajente Administrasaun Públika sira, liu-liu husi MEJD ne’ebé iha ajente barak iha ne’ebá, nune’e KFP hein hela atu MEJD aprezenta mós avaliasaun dezempeñu ajente sira nian.