Subsídiu Funsionáriu lá hetan husi Janeiru too agora, lá hetan osan viajem lokal no simu fali depois fulan rua no tolu, transferênsia kondutor funeráriu ba Munisipal Dili no kondutor hetan dezastre Diresaun lá iha responsabilidade, sai lamentavel ba kondutor sira.
Problema hirak ne’e apresenta husi Kondutor Funeráriu nain 10, ba Prezidente no Komisáriu sira iha sexta-feira 01 de Jullu iha Gabinete Prezidente Komisaun Funsaun Públika (PKFP).
Reprezentante Kondutor Funeráriu, Pedro da Cruz aprezenta ba Prezidente Faustino Cardoso Gomes hateten Funsaun Públika hanesan nain ba funsionáriu Públiku, tanba ne’e sira tenke informa problema subsídiu transporte ba funsionáriu hotu no asina tiha MoP hodi tula mate isin ba Munisípiu too Aldeia infelizmente sira lá simu viajen diretamente maibé, depois fulan rua tolu maka foin hetan osan viajem.
Hafoin simu tiha lamentasoens hirak ne’e Prezidente Komisaun Funsaun Públika telefone diretamente ba Xefe departamentu, Miguel Sarmentu Nunes rekoñese katak, Kondutor sira ne’e transfere ona mai Munisípiu tuir deskonsentrasaun no sira lá hetan osan viajen ba lokal depois depois de fulan rua tolu, tanba servisu finansas nia responsabilidade no orientasaun servisu diáriu husi Ministériu Solidariedade Sosial no Inkluzaun.
Depois rona tiha informasaun husi Xefe Departamentu husi MSSI Miguel Sarmento Nunes, Prezidente Komisaun Funsaun Públika telefone diretamente ba Prezidente Autoriedade Munisípiu Dili, Guilhermina Filomena Saldanha kona-ba transferênsia Kondutor Karru Funeráriu husi MSSI no Subsídiu Funsionáriu nia maibé, PAM Dili hateten asuntu ne’e foin ko’alia de’it maibé sidauk iha legalidade.
Iha momentu ne’e kedas, Prezidente Komisaun Funsaun Públika konsidera ne’e problema sériu ne’ebe presiza hadia no konsidera hanesan deskriminasaun ba Kondutor sira no liga diretamente ba Diretor Nasional Asistênsia Sosial (DNAS), Lukas Tois no promete ba Prezidente katak sei hasoru malu ho kondutor Funeráriu iha Segunda-feira ohin. Tanba konsidera problema sériu Prezidente KFP, Faustino Cardoso Gomes rekomenda katak, wainhira halo enkontru ho Kondutor sira presiza informa ba KFP hodi akompaña no hadia fallansu sira.
Ministériu Transporte no Komunikasaun iha tersa-feira, (29/04/2025) –ne’e estabelese tan diresaun lima ba iha munisípiu…
Komisária Komisaun Funsaun Públika responsavél ba portefóliu dezenvolvimentu kareiras espesiais, Anita Tavares de Jesus Ribeiro…
29/04/2025, Kandidatus nain 792 konkore vagas 49 iha salaun Aikurus Binani, KFP ne’ebé ofisialmente loke…
Prezidente no Komisárius Komisaun Funsaun Públika akompaña husi Sekretária Ezekutiva no ekipa tékniku sira reuniaun…
Kinta-feira, 24/04/2025 – Komisária portefóliu ba Dezenvolvimentu Kareira Espesiais, Anita Tavares Ribeiro de Jesus sai…
Reuniaun trimestral GIA iha MF nebe organiza husi MDRHC hodi atualiza servisu inspetoria no auditoria…