07 Jullu 2021, Prezidente no Komisarius Komisaun Funsaun Públika akompaña husi Sekretaria Ezekutiva hasoru malu ho Prezidente Parlamentu Nasional no Vise Prezidente no Sekretaria meza Parlamentu Nasional entrega relatóriu anual KFP 2020 no koa’lia kona-ba reforma ba funsionariu públiku ne’ebé ho idade 60 anos ba leten, lei desentralizasaun no asuntu seluk liga ho jestaun rekursus umanus. Alende ne’e Prezidente KFP konvida mós Prezidente Parlamentu Nasional atu partisipa mós kulmine ba komemorasaun loron nasional funsaun públika ne’ebé organiza husi Ministeriu Saúde iha loron 15 Jullu 2021.
“KFP reprezenta husi husi komisariu nain haat, hamutuk ho sekretariadu mai entrega relatoriu anual KFP 2020 nian ba iha SE. Prezidente, Vise Prezidente no Sekretaria meza Parlamentu Nasional. Tuir fali mai ami sei hein ajenda husi Parlamentu Nasional bainhira mak KFP atu halo aprezenta relatoriu ba iha plenaria. Tuir mensajen husi Prezidente Parlamtu Nasional semana oin posivelmente KFP mai halo aprezentasaun relatoriu iha plenaria. Tanba iha tempu besik parlamentu nasional tama iha resesu, iha loron 14 jullu 2021 no fila fali iha 15 setembru, tanba sesaun legislativa sei termina iha 14 jullu no hahu fali legislasaun foun iha 15 setembru 2021” esplika Prezidente KFP, Faustino Cardoso Gomes ba jornalista hafoin enkontru ho prezidente PN.
Relatoriu ne’ebé mak Komisaun hatoo ne’e ligadu ho planu asaun anual Komisaun nian liu-liu liga ho programa dezenvolvimentu institusional no boa governasaun, liga ho programa no sub-progama ne’ebé mak hatur iha relatoriu nia laran, haktuir Prezidente KFP.
Kestaun reforma sai nu’udar prioridade ida ba Parlamentu Nasional iha ne’ebé mak eskluzivamente kabe ba sira hodi altera.
KFP prontu servisu hamutuk ho Parlamentu Nasional ba preparasaun proposta ba lei seguransa sosial ne’ebé sei inklui iha prinsipiu obrigatoriedade tama reforma wainhira atinje ona idade reforma nian tuir lei define.
Prezidente no Komisariu KFP akompaña husi Sekretária Ezekutiva hamutuk ho ekipa tékniku husi Ministeriu Finansa…
Tersa-feira, 13/01/2026 – Komisáriu Portefóliu Pensaun no Reforma, Jorge Paiva Araújo, hala'o entrevista ida ho…
Komisáriu Planeamentu Forsa Traballu husi Komisaun Funsaun Públika (KFP), José Telo Soares Cristovão, partisipa iha…
Tersa-feira, 06/01/2026 – Prezidente no Komisárius Komisaun Funsaun Públika (KFP) hala'o enkontru ho Embaixadora Timor-Leste…
Segunda-feira, 05/01/2026 – Loron 5 fulan-Janeiru tinan 2026 sai hanesan inísiu ba servidór estadu sira…
Prezidente Komisaun Funsaun Públika (KFP), Agostinho Letêncio de Deus esplika, saláriu désimu terseiru (13) ne’e…