Comissão da Função Pública

13 Maiu 2022 – KFP reprezenta husi Prezidente Komisaun Funsaun Públika, Faustino Cardoso Gomes, Komisária Komisaun Funsaun Públika, Carmeneza dos Santos Monteíro, hamutuk ho Sekretariadu Komisaun Funsaun Públika, Sekretária Ezekutiva, Maria da Costa Oliveira, Inspetora, Sonia da Silva Araújo no Xefe Gabinete, Suzi Marçal entrega Relatóriu Anual KFP 2021 nian ba ih Prezidente Parlamentu Nasional.

Tuir fali mai KFP sei hein ajenda husi Parlamentu Nasional bainhira maka KFP atu halo aprezenta relatóriu ba iha plenária.

Haktuir ba  mensajen husi Prezidente Parlamentu Nasional dia 30-31 Maiu, posivelmente KFP mai halo aprezentasaun relatóriu iha nivél plenária.

Komisaun Funsaun Públika nia dever atu hato’o relatóriu anual ba iha Parlamentu Nasional liu husi ninia plenária, pra alende relatóriu ne’e mós sei entrega ba iha Xefe Governu kona-ba implementasaun atividade tinan 2021 nini’an.

Relatoriu ne’ebé mak Komisaun hato’o ne’e ligadu ho planu asaun anual Komisaun ni’an liu-liu liga ho programa dezenvolvimentu institusional no boa governasaun, liga ho programa no sub-progama ne’ebé mak hatur iha relatóriu nia laran, haktuir Prezidente KFP.

Iha relatóriu KFP ne’e kompostu husi informasaun sira hanesan atividade Komisaun nian relativamente ho rekrutamentu, selesaun pessoal, nomeasaun sira, promosaun, avaliasaun dezempeñu, formasaun, disiplinar, pensaun no reforma no jestaun rekursus umanus iha Funsaun Públika. Alende ne’e progama relasiona ho atividade define ona no Planu Asaun Anual ba servisu inspesaun no auditoria no partisipasaun KFP nian iha ASEAN nian no Inkluzaun Sosial, haklean Prezidente KFP ba jornalista iha sira hafoin enkontru ho Prezidente PN.