Comissão da Função Pública

Tersa-feira, 30 Abril 2019 – Komisariu Komisaun Funsaun Públika, Asuntu Disiplinar ,António Freitas  akompanha husi diretor asuntu disiplinar, Florindo da Costa halo disseminasaun Kode Etika, lisensas no faltas ba Funsionariu Públiku husi sekretariu estadu Arte no Kultura, iha salaun enkontru INFORDEPE, Matadouro, Dili.

Komisariu KFP, António Freitas iha nia intervensaun esplika kompeténsia Komisaun Públika kona-ba lei numeru 08/2004 altera husi lei numeru 05/2009 artigu 40-41 kontempla dever jeral no dever espesial funsionariu sira nian, Disiplina, lisensa no faltas sira, no uzu  patrimoniu estadu.

Bazeia ba Dekretu lei numeru 11 Lisensa no faltas sira, presija halo justifikasaun ho razaun, maibé bainhira falta durante loron 21 sei demisaun husi funsionariu inklui kazu asedu seksual iha servisu fatin.

Iha oportunidade neé Komisariu koa’lia mos dekretu lei numeru 01 altera husi dekretu lei numeru 09/2019  Kona-ba   avaliasaun desenpeñu tuir planu sei implementa rejime  promosaun  kareira administrasaun públika tamba ne’e husu ba funsionariu permanente prepara an hatudu komportamentu servisu no evita kazu disiplina. Durante nia mandatu konsege ezenora ona Funsionariu nain 35 husi Ministeriu Edukasaun tamba komete krimi kontra dever jeral no espesial.

No esplika mós Dekretu lei numeru 06 kona-ba rejime transitoriu no lei numeru 12/2016 kona-ba seguransa social atu garante funsionario no kauzais  ho sustentabilidade ba tratamentu to’o tinan 60. Tempu badak Konsellu Ministru sei aprova kartaun multifunsional ba funsionariu públiku sira.

Atu reforsa lei numeru 12/2016 seguransa sosial, KFP tempu badak sei aprezenta esbosu lei rejime planeamentu forsa Traballu ne’ebé atu determina idade funsionariu ne’ebé tama ona tinan 58 sei transitoriu atu ba reforma.

Atu garante sustentabilidade servisu Administrasaun Públika  KFP, CAC, PDHJ, Inspesaun Geral Estadu,  Ministeriu Públiku, Camara de Contas  atu haree ba kazu disiplina no aktus administrativa ne’ebé funsionariu sira komete no garante ezekusaun orsamentu Jeral estadu tuir regras.

Aktividade diseminasaun kona-ba konesimentu no implementasaun Leis Funsaun Públika, anti korupsaun no seguransa sosial ne’ebé organiza husi sekretariu Estado Arte  no Kultura, orador mai husi Diretor Nasional Disiplinar, Florindo da Costa, KAK no Institutu Seguransa Sosial.