Comissão da Função Pública

Tersa Feira loron 1 fulan agustu tinan 2023, Sekretaria Ezekutiva-S.E. Interina  Marcelina Irene dos santos Mesquita hamutuk ho Diretur  Nasional Sistema Informatika Gestaun Funsaun Publika Moises Almeida Sousa Pedroso hala’o Abertura Formasaun kona ba Sistema SIGAPNET ba jestór Rekursu Humanus sira husi linhas ministeriais no instituisaun Autonom sira, hodi  hatene klean liutan  konaba uja sistema foun iha  kada ministeriu inklui munisipiu sira hotu iha teritoriu Timor laran tomak,

Iha Abertura Formasaun ba diretur no ofisial sira ne’e, Secretaria Ezekutiva Interina Marcelina Irene dos santos Mesquita hato’o lian menon ba partisipantes sira katak, ita boot sira maka tau matan ba funsionariu sira, tamba ne’e, husu ita boot sira atu rona informasaun sira ne’ebe maka sei hato’o ba ita boot sira hodi kompriende didiak sistema ne’ebe sei uza hodi halo prosesu ba funsiunariu sira nia dadus,

S. E. Interina ne’e mos hateten, Komisaun Funsaun publika hasai tiha ona Deliberasaun ida ho nomeru 330/2023/CFP hodi fó kompetensia no responsabilidade tomak ba ita boot sira hanesan Rekursu Humanus kada liña ministeriais sira, fo livre minimu oras ida ba ita boot sira atu husu to’o komprende, nune’e bele halo atendementu ba funsionariu sira nia nesesidade ho diak liu tan. Formasaun ne’e halao durante loron hat hahu husi loron 1 to’o loron 4 fulan Agostu, iha salaun Aikurus Binani Komisaun Funsaun Publika, no ensera diretamente husi Secretaria Ezekutiva Maria da Costa Oliveira akompanha husi Diretur Nasional Sistema Informatiko Gestaun Funsaun Publika Moises Almeida Sousa Pedroso.