Comissão da Função Pública

17-08-2022, Prezidente no Komisárius Komisaun Funsaun Públika akompaña husi ekipa téknika Sekretariadu KFP hodi fó simulasaun ba funsionárius diplomata nain 25 liu husi online hodi prepara ba promosaun iha semana oin (22/08).

Vise Ministru MNEK hateten, Timor-Leste atu adere ba ASEAN hein katak, iha tempu besik membru ASEAN sira aseita ita bele tama, ho ida ne’e mak ita iha diplomatiku barak hodi bele ajuda servisu lubun ida, no alende ne’e iha rekezitus lubun ida mak ita presiza prense, maske iha esperensia barak maibé iha parte hasae grau, se ida ne’e la prense entaun ne’e sai hanesan obstakulu boot ida. Tanba atu atu sai Diretor Jeral no Nasional tenke prense tuir grau ne’ebé define ona husi Funsaun Públika, atu hasae kualidade rekrusu umanus iha MNEK no mós ba diplomata sira.

Iha simulasaun ne’e Prezidente KFP hodi KFP nia naran kongratula MNEK hodi servisu hamutuk ho KFP husi nivel polítika too nivel tékniku sira atu oinsá prosesu ne’e funsiona hodi viabiliza simulasaun, hodi hahú ba teste promosaun iha 22 agostu 2022 nian, nune’e mós ba kandidatus tomak ne’ebé tau atensaun makas ba dezenvolvimentu kareira.

Prezidente KFP hateten, prosesu ida ne’e kompetetivu ne’ebé husu ba kandidatu sira hakas an ba atu oinsá bele konkista mudansa iha grau nu’udar parte husi dezenvolvimentu kareira.

Alende ne’e Vise Ministru MNEK nafatin, husu ba funsionáriu sira atu kontinua hatudu sira nia dezempeñu di’ak iha servisu fatin hanesan funsionáriu públiku ne’e importante tebes, atu eleva grau nee tanba Governu no Estadu presiza atu hala’o servisu sira ne’e ho responsabilidade, kualidade.

Alende ne’e Vise Minisrtu alerta, katak, funsionáriu públikus nia partidu mak Funsaun Públika, labele kahur ho polítiku, tanba nu’udar sidadaun ida iha direitu hili partidu maibé, tama ona mai koredor servisu nian tenke la’o ho Funsaun Públika no tenke sai opozisaun ba polítiku sira, tanba iha lei asegura funsionáriu sira mak Funsaun Públika, no husu atu mantein dezempeñu di’ak, hatudu matenek, abilidade atu asegura atendimentu ida ne’ebé profisional ba públiku.

Enkuantu, prosesu simulasaun ba funsionáriu nain 25 la’o ho di’ak iha salaun Instituto de Estudo Diplomático (IED) iha MNEC.