Comissão da Função Pública

Komisaun Funsaun Públika lidera ekipa integradu kompostu husi IJE, MAE, SEI, MF, INSS, KRAM, MNEK no CNC hala’o atividade diseminasaun daruak ba tinan 2025 kona-ba Lei, Dekretu Lei no prosedimentu sira hodi asegura profesionalizmu funsaun públika ne’ebé efisiénsia no efikásia ba funsionáriu sira.

Iha diskursu ba diseminasaun ne’e Komisariu KFP asuntu disiplina, Agapito da Conceição diseminasaun integradu ida ne’e, hodi fó hanoin ba partisipante sira atu aproveita hodi kompreende didi’ak tanba Dekretu Lei sei nakait ho ita-nia servisu lor-loron. Nafatin fó hanoin, informasaun sira ne’ebé iha diseminasaun ne’e la’ós to’o de’it ba ita-boot sira maibé transfere ba funsionáriu sira iha servisu fatin, tanba matéria sira ne’e iha ligasaun ba iha servisu rutina nian.

Prezidente Autoridade Munisipál Bobonaro Alexandre Pires, mak halo abertura no iha diskursu akresenta, diseminasaun ne’e importante dunik iha Minisípiu Bobonaro atu nune’e servisu atu haree ba iha giaun no Lei ne’ebé iha ona. Husu partisipante sira-nia tempu no gasta enérjia para bele entende halo didi’ak Dekretu Lei sira ne’ebé ekipa integradu mai divulga hela ba ita, aproveita halo didi’ak tanba Bobonaro presiza ita-boot sira.

Durante loron lima nia laran ne’e orador sira mai husi Ministériu Administrasaun Estatal, Sekretária Estadu Igualdade, Inspesaun Jeral Estadu, Ministériu Finansa, Komisaun Reguladora Arte Marsiais no Sekretariadu Komisaun Funsaun Públika rasik hodi partilla materia DL nu 84/2023 Dezentraizasuan Administrativa, violénsia, bazeia ba jenéru importánsia aplikasaun kontrolu internu instituisionál, regras no prosedimentus ezekusaun orsamentu, estratéjia kombate ameasa no violénsia ne’ebé prejudika seguransa Estadu foku iha relatóriu refiskalizasaun ba organizasaun Arte Marsias, DL nu 30/2020 organizasaun administrative direta no indireta estadu, rejime kargu diresaun no xefias iha administrasaun publika ho primeiru alterasaun DL nu. 7/2024, prosedimentu disiplinar no sansau administrativu sira,  la’e ba asediu seksual iha funsaun publika, prosedimentu submisaun rekirimentu ba benefisiu rejime kontrubuitivu iha seguransa sosial tuir orientasaun nú. 22/2019 loron 13 Agostu, Promosaun Antiguidade tuir Dekretu Lei nú. 46/2024 loron 23 Dezembru, rejime lisensa no falta ba traballador sira iha administrasaun públika, matadalan lisensa sem vensimentu, planeamentu ba forsa traballu estratéjia esensiál, deveres direitus no kodigu étika, rejime avaliasaun dezempeñu no rejime formasaun dezevolvimentu ba funsaun públika.

Iha apresiasaun ba diseminasaun, Komisariu Fausto Freitas da Silva dehan, hanesan ita hotu akompaña, ezijénsia públiku nian ba prestasaun servisu husi Estadu, dala barak haree liu ba nesesidade sira, hanesan atendementu ne’ebé laís no kualidade hodi garante seleridade ho kualidade iha prestasaun servisu ba públiku. Ezijénsia hirak ne’e, tuir sistema artikula hotu iha prosedimentu legál no tekniku sira ne’ebé iha nesesidade balu ezije tenki hamosu prosedimentu foun, enkuantu situasaun balun determina atu halo de’it ajustamentu ba situasaun sira ne’ebé eziste nanis ona iha Lei sira.

Nune’e, iha diskursu hodi ensera diseminasaun, Sekretáriu administrasaun no finansa, Domingos da Costa, agradese tebes ba KFP ne’ebé hili munisípiu Bobonaro ba diseminasaun Lei sira liliu lei ba Estatutu Funsaun Públika nian. Atu halo ita profesionál iha servisu, ne’e la’ós abilitasaun literária maibé ne’e experiénsia, experiénsia sira ne’e mak hetan liu husi formasaun sira tanba ne’e, durante loron lima nia laran matéria barak mak ita hotu hetan, ne’e mak sei faselita ita iha servisu nomós ba teste promosaun kada tinan.

Durante semana ida nia laran ne’e iha pre no post text ne’ebé hala’o husi teknika sekretariadu komisaun funsaun públika ba partisipante hamutun na’in 94 kompostu husi mane 82 no feto 12 ne’ebé hahu loron 07-11 Abril 2025 iha Salaun Maria Tapo Autoridade Munisipiu Bobonaro.