Comissão da Função Pública

Liu husi intervensaun Prezidente KFP ba emposadu sira ne’ebé simu knár foun nu’udar lider no komandante ba Autoridade Protesaun Sivil nu’udar lideransa foun, lori vizaun foun tuir espetativa bele lori enerjia foun, hodi lidera instituisaun ida ne’e tuir papel no responsabilidade boot ba seguransa públika hodi responde ba krize no situasaun emerjensia sira mak orienta no proteze sidadaun sira nia moris ho prósperiedade.

Prezidente KFP ne’e hateten, nu’udar responsavel fó inspirasaun no orientasaun ba ita boot sira nia importansia no dedikasaun servisu ho membru sira ho integridade, reziliensia, tanba lider mak to’o fatin  dahuluk no sai ikus husi fatin ne’e, no husu atu hatudu kompromisu no komunikasaun mak xave klaru no transparente, esensial ba ita boot sira nia área.

Nune’e Vise Primeiru-Ministru, Ministru Koordenador ba asuntus ekonómikus no Ministru Turizmu no Ambiente Francisco Kabuadi Lay iha ninia diskursu enkoraja emposadu sira atu hala’o knár ho responsavel, tanba kargu ne’ebé asume ne’e todan, maibé, husu ba Prezidente Autoridade Protesaun Sivil hamutuk ho diretores, komandantes, kargus xefias atu kumpri imi nia juramentu ne’ebé realiza tiha ona ba iha prontidaun 24 oras tuir tempu no atendimentu, tanba ita hatene katak dezastre mosu laiha avizu bainhira de’it, depende tuir natureza servisu.

Ita hotu konsiente katak, imi nia servisu ne’e todan maibé, labele haluha atu serivsu hamutuk ho sensantes sira, tanba barak ka oituan sira kontribui ona ba ria ne’e ho povu ida ne’e, no liu husi prezensa Ministru sira iha ne’e fó apoiu ba ita boot sira, fasilita servisu ne’ebé imi hala’o, dehan Vise PM, Kalbuadi Lay.

Emposadu ne’ebé simu posse hamutuk 173 kompostu husi Prezidente Autoridade, Komandante operasional, diretor ezekutivu, diretores jerais, diretores nasionais, xefes departamentu sira.

Partisipa iha serimónia pose ne’e Prezidente no Komisáriu KFP, Ministru Interior hamutuk ho kargus diresaun xefias ministériu ninian, ne’ebé mak realiza iha sesta-feira, (19/07/2024) iha salaun Delta Nova, Comoro.