Comissão da Função Pública

Komisaun Funsaun Públika Timor-Leste ne’ebé reprezenta husi Komisáriu Komisaun Funsaun Públika, Agapito da Conceição, Sekretária Ezekutiva, Maria da Costa Oliveira hamutuk ho pontu fokal sira partisipa iha nivel reuniaun The Heads, The Senior Officials, and Focal Points in THE 22ND ASEAN COOPERATION ON CIVIL SERVICE MATTERS (ACCSM) & THE 7TH ASEAN COOPERATION ON CIVIL SERVICE MATTERS (ACCSM) PLUS THREE ne’ebé realiza iha loron 05-07 Agostu 2024 Iha Brunei Darussalam, ho tema jeral  “Strengthening ASEAN Public Sector: Fit For The Future”, ne’ebé partisipa husi Japaun, Korea no China inklui Timor-Leste hanesan observador.

Iha enkontru ba loron primeiru iha nivel Senior Official Meeting (SOM) dirije husi Dr. Norfarizal bin Othman, Director-General of Public Service, Public Service Department of the Prime Minister’s Office ne’ebé partisipa husi ASEAN paíz membru sira.

Iha reuniaun ne’e aprezenta no atualiza programa projetu implementadu no progresu sira ne’e iha forum ligadu ba iha ACCSM Work Plan 2021-2025, inklui atividade  ASEAN Resource Centres (ARCs) no troka hanoin ligadu ba iha dezenvolvimentu ACCSM WORK PLAN 2026-2030. Atualiza kona-ba ASEAN NETWORK OF PUBLIC SERVICE TRAINING INSTITUTES (PSTIs), aprezenta draft ASEAN Statement on Strengthening Government Strategies on Mental Health and Well-Being Towards Achieving Work-Life Balance in Public Sector, no ko’alia mós kona-ba Cambodia ne’ebé sei lidera ACCSM ba dala 23 iha tinan 2025-2026 inklui aprezenta mós tema no kalendáriu atividade ne’ebé tema jeral ba Cambodia mak innovation for better service delivery ne’ebé sei realiza iha 19-20 maiu 2025 ba reuniaun preparasaun iha nivel SOM ninian iha provinsia Preah Sihanouk, Cambodia. Nune’e haree ba konsiderasaun no adopsaun relatoriu kona-ba THE 22^ND SENIOR OFFICIALS MEETING OF ACCSM hodi submete ba iha Sekretariadu ASEAN.

Alende fó mós oportunidade ba Sekretária Ezekutiva SKFP iha SOM level ninian hodi fó mós ninia intervensaun jeral hanesan observador ne’ebé hato’o mós agradese hodi partisipa iha eventu reuniaun ne’e hodi rona mós disksaun sira ligadu ba iha funsaun públika, nune’e sai mós hanesan lisaun aprendida ba iha KFP atu foti hanesan esperensia ida hodi hadia di’ak liutan funsaun públika Timor-Leste ba iha futuru ida di’ak ba oin. Iha konvein ba iha hanoin koletivu sira ba iha misaun hodi haforsa ba iha efisiensia, transparansia, no inklusividade ba iha funsaun públika iha nivel ASEAN ninian.

Timor-Leste rekoñese progresu signifikativu sira ne’ebé alkansadu ona iha ámbitu planu traballu ACCSM 2021-2025, ne’ebé oberva mós katak, avansus substansiais iha governasaun digital no inovasaun iha setór públiku, nune’e aliñadu mós ba ami nia prioridade nasionais sira.  Timor-Leste konsentra iha integrasaun teknolojia atu siplifika ninia prosesu administrativu sira no mellora ba iha prestasaun servisu ba ami nia sidadaun sira. Alende haree mós ba iha planu traballu ACCSM ba 2026-2030, Timor-Leste enfatiza importánsia krítika hodi inkorpora inteligensia artifisial no transformasaun digital hanesan sentru ba iha ami nia estratejias, ho teknolojia sira importante hodi mellora efisiensia no transparensia ba iha servisus públikus, alende ne’e, defende mós kona-ba inkluzaun estratejias ne’ebé abranje hodi aborda mós iha saúde mental, ekilibriu entre vida profisional no pessoal, garante bem-estar no reziliensia ba ami nia forsa traballu iha setór públiku esplika Sekretária Ezekutiva SKFP.

Timor-Leste kontinua empeña no aliña ho ami nia estratejias nasionais ba iha desizoes sira seluk iha reunioes ASEAN ninian ne’ebé sai  hanesan vital hodi fomenta ba iha koerensia regional hodi avansa ba iha ita nia objetivu komum sira, espesialmente b aiha dezenvolvimentu sustentável no inovasaun digital ba iha regiaun ba iha impaktu koletivu ida ne’ebé signifikante, destaka Sekretária Ezekutiva.

Ba loron daruak ninian KFP kontinua partisipa iha forum boa governasaun Forum on Good Governance: Revolutionizing The Public Sector: Articifial Intelligence For Good Governance ninian ne’ebé rona esperensia di’ak sira husi nasaun membru ASEAN ninian no Korea kona-ba transformasaun digital iha Artifisial Intelejensia iha nivel administrasaun públika.

Nune’e ba loron datoluk ninia reuniaun ne’e loke husi S.E Ajman bin Haji Meludin, Permanent Secretary (Civil Service Governance), Prime Minister’s Office, no S.E. Dr. Kao Kim Hourn, Secretary-General of ASEAN hodi hato’o mós diskursu.

Iha sesaun dahuluk aprovasaun ba iha statement kona-ba Strengthening Government Strategies on Mental Health and Well-Being Towards Achieving Work-Life Balance in Public Sector.

Sekretariadu ASEAN atualiza mós enkontru relevantes sira ligadu ba iha desizaun enkontru nivel durante enkontru ACCSM ba dala 21 ba Heads of Civil Service Meeting ne’ebé organiza iha  5 Agostu 2022, inklui ASEAN Summits. Iha atualizasaun informasaun ne’e delibera ona asuntu relevantes iha ACCSM ninian ba iha dezenvolvimentu Komunidade ASEAN ninia vizaun ba tinan 2045 no Planu Estratejia ASCC Post-2025, implementasaun no monitorizasaun ASCC Blueprint 2025, no Timor-Leste nia asesaun ba iha ASEAN.

Durante troka hanoin ligadu ba draft ne’ebé aprezentadu ba adopsaun ba ASEAN STATEMENT ON STRENGTHENING GOVERNMENT STRATEGIES ON MENTAL HEALTH AND WELL-BEING TOWARDS ACHIEVING WORK-LIFE BALANCE IN PUBLIC SECTOR, liu husi via ad-referendum hodi submete ba Sekretariadu ASEAN.

No iha oportunidade ne’e fó mós tempu ba Komisáriu KFP, Agapito da Conceição hodi fó mós ninia intervensaun jeral ba iha Funsaun Públika Timor ninian ne’ebé Timor kontinua kompromete ba iha melloramentu adminsitrasaun públika, foti mós lisaun aprendida sira ba iha reforma signifikativu ho objetivu ida atu mellora ba iha efisiensia, responsabilizasaun ba funsaun públika Timor-Leste, no partikularmente foka mós ba iha transformasaun digital, fetór esensial sira ba iha melloramentu prestasaun servisu no transparansia. Nune’e haree mós ba lakuna sira hodi kontinua moderniza prosesu sira hodi hakbesik liután servisus públikus ba iha sidadaun sira.

Funsaun Públika Timor-Leste kontinua ba iha dezenvolvimentu rekursu umanus ba setóres importante sira, fundamenta investe iha kompeténsia kapasidade ba iha funsionárius públikus, formasaun no dezenvolvimentu kapasidade, asgura hodi hasa’e liután koñesimentu nesesáriu sira ba adaptasaun teknolojia foun sira tuir ezijensia públikus, inklui kompeténsias transversais sira hanesan lideransa, komunikasaun no oinsá atu rezolve problema ruma iha nivel funsaun públika ninian.

Iha tempu hanesan Brunei entrega mós ba China hato’o mós agradesimentu ba oportunidade ida hamosu ekipa servisu ida di’ak no forte ba kooperasaun sira ba oin iha funsaun públika.

Japan agradese ba oportunidade ne’ebé signifikadu tebes hanesan parseiru ida besik tebes iha ACCSM+3 hodi hametin no expanda liutan parseria ne’e ba oin hodi implementa atividade sira ida ne’ebé signifikadu tebes iha nivel funsaun públika no eventu sira seluk iha ACCSM+3 nia laran. Projetu ne’ebé konsolida husi ACCSM+3 ne’ebé kontinua konsolida ba oin.

Iha Korea nia parte komitmentu atu hametin iha kolaborasaun iha ACCSM+3, hakarak partilla hamutuk ho ita boot sira hodi partilla opiniaun no hanoin di’ak sira ba iha dezenvolvimentu ACCSM.

Atu remata Sekretariadu ASEAN aprezenta Timor-Leste ninia partisipasaun iha enkontru no reuniaun sira ne’e ba 86 pursentu ne’ebé mak realiza ona, nune’e iha mós formasaun sira ne’ebé partisipa ona hodi hatan ba roadmap ne’ebé mak sira sei responde hodi tama ba iha full membership ba ASEAN.

Final husi reuniaun husi lideransa Brunei Darussalam ensera ninia papel nu’udar uma nain durante tinan rua (2023-2024) no entrega hikas ba iha Cambodia ba ninia PREPARATION OF THE 23^RD ACCSM hanesan uma nain hodi organiza ACCSM ba tinan rua nia laran (2024-2026) ho tema desididu “Innovation for better service delivery ” ne’ebé sei realiza iha maiu tinan 2025 no kalendariu atividade sira.