Comissão da Função Pública

Ekipa ida husi Komisaun Funsaun Públika hamutuk ho INAP partisipa iha Sesaun ba dala-23 Komisaun Espesialista Administrasaun Públika, Konsellu Ekonomiku no Sosial Nasoens Unidas nian (23^rd Session of  Committee of Expert on Public Administration (CEPA) of the United Nations Economic and Social Council).

Ekipa ne’e lidera husi Prezidente KFP, Agostinho Letêncio de Deus, akompaña husi Diretor Jeral INAP, Policarpo Amilicar Boavida, xefe Gabinete KFP, Rosvita Calapez Pires,  xefe Gabinete INAP, Luis dos Anjos Soares. No ekipa ne’e hetan suporta máximu husi Missaun Timor-Leste ba ONU iha parte kordenasaun no komunikasaun no akompaña direita husi Reprezentante Permanente Timor-Leste ba Nasoins Unidas iha Nova Iorke, DR. Dionísio da Costa Babo Soares no Sr. Joaquim Chaves, Segundu Sekretáriu, Missaun Timor-Leste ba ONU.  

Sesaun ne’e hala’o durante semana ida hahú husi 15-19 Abril 2024 iha Sala Konferensia 1, Kuartel-Jeral Nasoens Unidas, Nova Iorke. 

Partisipante mai husi Nasoens membru sira, peritu administrasaun públika, reprezentante universitáriu, organizasaun administrasaun públika, reprezentante organizasaun Nasoens Unidas, no membru observadores sira inklui Timor-Leste.

CEPA nu’udar Komisaun Espesialista Nasoens Unidas nian kona-ba Administrasaun Públika no nu’udar órgaun péritu ida-ne’ebé hala’o sorumutu ho asisténsia husi Konsellu Ekonomiku no Sosial Nasoins Unidas (ECOSOC) nian atu diskute no buka dalan atu apoia servisu Konsellu nian liu husi fó konsellu espesialista kona-ba asuntu estrutura governasaun no administrasaun públika nian. 

Timor-Leste maske hetan konvite hanesan observador, maibé hetan mós oportunidade ba sai panelista hamutuk Vice Ministra Jestaun no Inovasaun Funsaun Públika Brasil, reprezentante Misaun Japaun ba ONU, CEO Digital Government Support Center, reprezentante Misaun Korea ba ONU, no Diretor Unidade Reforma Setór Públika, Sierra Leone iha programa “Side Event for FutureGov” ho topiku Building Public Sector Capacities for the Future. Iha diskusaun painel ne’e, partisipante sira foku liu ba sub-topiku tolu mak dezenvolvimentu skill-set, mindset, no inovasaun iha governasaun. Iha Eventu ne’e akompaña direta husi Reprezentante Permanente Timor-Leste ba Nasoens Unidas iha Nova Iorke, DR. Dionísio da Costa Babo Soares.

Iha oportunidade ne’e Timor-Leste mós hetan hato’o ninia intervensaun iha sesaun “Principles of Effective Governance for Sustainable Development and Public Sector Workforce matters” Iha aprezentasaun ne’e foku liu ba dezenvolvimentu administrasaun públika hahu’u husi 2002 – 2024, reforma administrasaun públika hodi responde ba politika SDG’s no programa jeral mandatu da-4 KFP.

Topiku jeral iha diskusaun semana ida ne’e kobre materia administrasaun públika, governasaun, kapasitasaun rekursu umanu, digitalizasaun no jestaun finanseiru. Materia importante sira inklui: Principles of effective governance for sustainable development

Institutions, climate action and environment

Digital government, Dedicated consultation with observers, Public financial management, Peer exchange with voluntary national review contries and voluntary local review cities on experiences and promising practices in implementing SDGs 16 and 17, and Public sector workforce matter.