Comissão da Função Pública

Komisaun Funsaun Públika ne’ebé hatan ba konvite husi membru ASEAN Lao PDR konvida Prezidente Komisaun Funsaun Públika, Faustino Cardoso Gomes, Sekretária Ezekutiva, Maria da Costa Oliveira no pontu fokal Sekretariadu Komisaun Funsaun Públika partisipa ASEAN Cooperation On Civil Service Matters (ACCSM) Virtual Panel Discussion on Effective E-Training for Government Training Institutes in the Digital Transformation iha kinta feira, 25 Maiu 2023 ne’ebé organiza husi Vientiane Capital, Lao PDR.

Objetivu husi reuniaun ne’e atu partisipante sira aprende, partilla ba malu informasaun sira, esperiensias kona-ba tipu oioin kona-ba E-training ka metodolojia sira ne’ebé funsionáriu publiku sira aprende, nune’e diskute mós kona-ba nesesidade E-training, analiza ba ninia prosesu dezeñu sira iha implementasaun metodolojia digitais ba formasaun hanesan nesesidade E-training nian ba iha funsionáriu ofisial governu ninian. Alende ne’e hasa’e ninia implementasaun metodolojia digitais formasaun di’ak sirahanesan atu aborda dezafius no solusoens, fortalesimentu husi redes no relasiona ho paízes membru inklui Timor-Leste.

Reuniaun ACCSM ne’ebé organiza husi Lao PDR ne’e iha abertura reuniaun virtual loke ofisialmente husi Mr. Nisith KEOPANYA nu’udar Vise Ministru Estranjeiru Lao PDR hateten, teknolojia transformasaun digital importante tebes hodi diskute iha nivel ASEAN nian.

Nune’e durante iha reuniaun virtual iha aprezentasaun sira lubun ida mak partilla espesiensia di’ak sira hanesan husi Lao PDR, Filipina, Thailandia.

Etretantu husi institutu formasaun iha estadu membrus ASEAN inklui Timor-Leste ne’ebé sei luta ho mudansas sira ba métodu E-training devidu ba kapasidade adaptasaun no falta infraestrutura no rekursu modernu sira. Por tantu, iha painel diskusaun virtual ne’e hanesan, espasu signifikativu ida atu Estadu membru ASEAN sira bele fahe ba malu lisaun aprendida foun sira, esperiensias no prátika di’ak sira iha formulasaun polítikas, implementasaun no transformasaun futuru digital ba treinamentu era digital ninian.

Iha final diskusaun ne’e haree ba dezafiu sira no aprimorar ba programa treinamentu ba kada paíz sira ne’ebé mak sei buka atu supera di’ak liu tan ba futuru.