Comissão da Função Pública

Komisáriu ba asuntus reforma, Fausto da Silva Freitas, no reprezentante Sekretária Ezekutiva SKFP xefe Gabinete Apoiu SE, Maria A. Mesquita hamutuk ho Diretora DNRDFP, Marcelina Irene partisipa serimónia aniversáriu ba Institutu Nasional Siensia Teknologia no Inagurasaun ba edifisiu foun repozitoriu digital iha INFORDEPE nia sorin.

Prezidente INCT, José Cornélio GUterres liu husi nia aprezentasaun hateten, INCT hamrik iha 3 marsu 2014 maibé, iha dezafius barak mak la’o iha 2019, durante rezultadu dadus peskiza nia krusial teb-tebes ba desizaun polítika. Nune’e INCT liu husi nia peskiza promove teknologia siensia inovasaun kontribui ba planu estratejiku Governu nian atu hala’o dezenvolvimentu nasionál, INCT durante tinan neen nia laran konsege atinje 61 peskizas ne’ebé fornese ba Governu no aprezenta ba INCT iha planu estratéjiku iha tinan 2022-2025 hodi produz ona manual étika peskiza, hanesan guiaun ba peskizadores hot-hotu.

Segundu vise Primeiru-Ministru, Mariano Assanami Sabino hato’o ba partisipantes sira katak, INCT importante teb-tebes ba ita nia rain, tanba ohin loron globalizasaun teknologia tenke uza, se lae Ita iha kotuk fali, ita tama ona BPO, lakleur adezaun ba ASEAN, mantein CPLP, G7mais, organizasaun oi-oin ne’ebé Timor hola parte, tenki moderniza ita nia nasaun, tanba ne’e sei ko’alia iha Konsellu Ministru atu koopera ho universidade sira atu haklean peskiza iha setór oi-oin.

Vise PM ne’e husu, presiza inovasaun hodi joven sira tanba, kona-ba ekonomia ita iha rekursu naturais hanesan mina, produtu Agrikola, peskas no pekuaria maibé, ba rai sira ne’ebé laiha rekursu naturais sira investe iha ema halo negósiu liu husi  IT komersial, buat barak mak faan liu husi ne’ebá maibá iha ita nia rai ne’e seidauk.

Iha inovasaun setór ekonomia produtivu no kreativa presiza peskiza profunda, kultivu ka bele opersionaliza  siensia  ne’ebé  ita iha, atividades ne’ebé INCT hala’o importante ba ita nia rai maibé, oinsá atu apar ho Planu Estratéjiku Dezenvolvimentu Nasional, dehan segundu vise Primeiru Ministru, Ministru Koordenador ba asuntus sosiais no Ministru dezenvolvimentu rurál no abitasaun komunitária, Mariano Assanami Sabino.

Hafoin diskursu kontinua ho aprezentasaun husi investigador Internasional, Filipe Abrão Couto aprezenta kona-ba mapa siensia, serimónia lansamentu edifísiu INCT no taka ho programa interativu iha Televizaun.