Tersa-feira -21/01/2025 – Komisária KFP ba portefóliu Dezenvolvimentu Kareiras Espesiais, Anita Tavares Ribeiro de Jesus akompaña husi senior professional, Belarmino Neves, xefi departamentu formasaun, Maria Isabel das Neves, xefe departamentu Rekursu Umanus, Mario da Conceição Nunes partisipa reuniaun membru Konsellu Administrasaun Fundu Dezenvolvimentu Kapital Umanu (FDCH) iha salaun Delta Nova, Comoro, Dili.
Ministru Planeamentu Investimentu Estratéjiku (MPIE) hanesan Prezidente Konsellu Administrasaun Fundu Dezenvolvimentu Kapital Umanus (FDCH), Gastão de Sousa iha abertura enkontru esplika, enkontru membru Konsellu Administrasaun FDCH tinan 2025 nu’udar primeiru enkontru ho ajenda aprezentasaun rezultadu estudu mapeamentu rekursu umanus setor públiku no privadu ho objetivu atu identifika nesesidade formasaun no kapasitasaun rekursu umanus no formulasaun polítika ne’ebé efikaz hodi garante investimentu formasaun, asegura dezenvolvimentu teknolojia iha Timor-Leste. Mapeamentu ho hanoin atu identifika kompeténsia ezistentes hodi avalia kualifikasaun no abilidade profisionais kapasidade forsa traballu Timor Leste nian no identifika númerus forsa traballu ne’ebé forma iha área prioritária iha kada Ministériu husi nasionál no Munisípiu sira.
Ajenda seluk aprezentasaun no aprovasaun husi Konsellu Administrasaun iha área prioridade kona-ba bolsa estudu tinan 2025 fundu FDCH. Aprezentasun ezekusaun orsamentu jeral Estadu tinan 2024 ho fundu FDCH. No halo mós aprovasaun ba pedidu billete aviaun ba bolseirus parsial ba Brazil no China ne’ebé aprezenta husi Peskizador FDCH, Diretor ezekutivu FDCH ho nia ekipa tékniku.
Hafoin reuniaun ne’e distribui mós pakote orsamentu 2025 ba instituisaun akreditadu sira hodi hetan fundu inklui KFP no INAP.
Enkontru ne’e hetan mós rekomendasaun sira orsamentu husi FDCH ne’ebé benefisiador sira hetan ba iha bolsa estudu nian atu uza ho responsabilidade no tuir regras prosedimentu sira hodi kontribui másimu ba dezenvolvimentu rekursus umanus Timor-Leste ba sustentabilidade dezenvolvimentu ba moris di’ak povu no nasaun.
Partisipa iha enkontru membru Konsellu Administrasaun Fundu Dezenvolvimentu Kapital Umanu kompostu husi Ministru MPIE rasik, Ministra Finansas, Ministru Justisa, Ministru Petroleo no Minerais, Ministru Ensinu Superior, Sekretariu Estadu Formasaun Profesional no Empregu (SEFOPE) inklui KFP no INAP no ekipa FDCH.
Timor-Leste ofisialmente asina deklarasaun hodi sai membru ASEAN ba dala XI ne’ebé ofisialmente asina husi…
Sesta-feira, 24/10/2025, Ekipa kuadrilateral kompostu husi KFP, KAK, IGE no PDHJ halo vizita surpreza ba…
Komisaun Funsaun Públika (KFP) audiensia ho Komisaun A ne’ebé haree ba asuntu konstitusionais no justisa…
Promosaun por antiguidade ba tinan ne’e funsionárius nain rihun tolu resin mak sei promovidu no…
Ataúro – Provedor Provedoria Direitus Umanus no Justisa (PDHJ), Komisáriu KFP ba portfóliu Disiplinár, Adjuntu…
Ataúro, Ekipa kuadrilateral kompostu husi Provedoria Direitus Umanus no Justisa (PDHJ), Komisaun Funsaun Públika (KFP),…