Comissão da Função Pública

Komisaun Funsaun Públika partisipa iha Seminar ne’ebé organiza husi paíz membru ASEAN Indonézia  via video konferensia kona-ba “Seminar on Managing Civil Service Compensation and Benefits Strategy”, iha kuarta feira, 18 outubru 2023.

Objetivu husi seminar ida ne’e atu haree ba prátika di’ak no partilla esperiensia iha estratejia kompensasaun no benefisiu ba servisu públiku  hodi torna espasu ida di’ak ba dezenvolvimentu profunda iha prátika oi-oin iha nivel ASEAN nian liga espesifikamente ho ninia estratejia kompensasaun no benefisiu sira.

Iha seminar ne’e, pontu sentral ne’ebé ko’alia kona-ba potensialidade dezempeñu organizasaun ida ba kompensasaun hanesan pontu prioridade no meta instituisaun no individual ne’ebé hetan, promove satisfasaun husi parte hotu. Nune’e fornese forsa traballu ida atu atrai, efikazmente talentu rekursu umanus ne’ebé nesesáriu, no promove talentu hirak ne’e atu alkansa dezempeñu no promove efetividade individual no institusional.

Durante seminar palestrante husi Australian Public Service Commission (APSC), Harrison Miller no Chinese Academy of Personnel Science (CAPS), Miss Wang Yi aprezenta no partilla kona-ba prátika di’ak funsaun públika husi paíz rua ne’e nian kona-ba estratejia kompensasaun no ninia benefísiu sira ne’ebé durante ne’e implementa no benefisia direta husi funsionáriu sira liga ho salarial, konforme ajensias, empregador ba ninia polítika no prioridade sira ne’ebé foku ba iha kresimentu ekonómiku, remunerasaun benefísiu sira seluk liga ho dezempeñu individual no organizasionál ninian.

Seminár ne’e husi Ko misaun Funsaun Públika reprezenta husi Komisária Komisaun Funsaun Públika, ba asuntu rekrutamentu no promosaun iha funsaun públikaCarmeneza dos Santos Monteiro no Sekretária Ezekutiva, Maria da Costa Oliveira. Alende ne’e partisipa mós husi Komisária Maria de Jesus Sarmento no pontu fokal sira inklui diresaun nasional rekrutamentu no dezenvolvimentu iha kareira funsaun públika reprezenta husi xefe departamentu, diresaun nasional sistema informátiku jestaun funsaun públika reprezenta husi xefe departamentu no pessóal ofisial rekursu umanu.

Finalidade husi seminar ne’e atu haree ba iha dezenvolvimentu sosiedade atu kontribui ba governasaun di’ak no responsabilidade hamutuk ho kuadru ba iha kompensasaun ba iha servisu funsaun públika iha paíz membru ASEAN nian inklui Timor-Leste.

No oinsá atu ekilibra efetivamente ba kompensasaun sira, ne’ebé Governu haree liga ho diferensas kultura, fatores ekonómiku, regras prosedimentu no leis sira husi paíz ida-idak ninian liga ho ninia kompensasaun no benefísiu sira hodi determina demanda ida di’ak ba iha talentus, dezempeñu funsionáriu ida nian ba iha retribuisaun servisu ne’ebé iha kompetitividade makas hodi fornese rekursu ida di’ak iha eskala ekilibriu global bazeia ba dezempeñu ida apropriadu.