Comissão da Função Pública

Oe-cusse 12/08/2022 – Diretor Alfandega RAEOA, José da Costa durante ne’e simu subsídiu kategoria xefe departamentu maibé, maibé iha kompeténsia asina dokumentus no ajentes administrasaun asume kargu nu’udar diretor iha diresaun Alfandega RAEOA, ne’e KFP konsidera sei lori riksu iha futuru, Komisáriu Komisaun Funsaun Públika portfóliu Planeametu Forsa Traballu, Avaliasaun Dezempeñu, Formasaun no Dezenvolvimentu, António Freitas hato’o kestaun ne’e wainhira halo enkontru ho diretor Alfandega, José da Costa no asesor Luis Almeida Camara no funsionárius sira Alfandega nian iha edifisiu Alfandega Palaban Oe-cusse.

Objetivu husi enkontru ne’e atu rona diretamente kona-ba forsa traballu no estrutura Alfandega RAEOA nian ne’ebé ejiste durante ne’e.

Hafoin rona esplikasaun husi Diretor Alfandega, Komisáriu KFP senti preokupa no kontaktu direta via telefonika ba komisáriu Autoridade Aduneiru Alfandega nisn atu buka tempu tur hamutuk ho vise Ministru Finansas hodi diskute kona-ba regra uniforme no modalidade ba armonizasaun ba kargu xefia hodi asegura servisu Alfandega ba iha futuru, hodi labele prejudika funsionáriu sira iha tempu oin mai.

Alende ne’e liu husi enkontru atu ko’alia mós kona-ba planu aplika rejime espesial ba funsionáriu Alfandega iha diresaun balun no hierarquia funsional.

Iha enkontru ne’e Diretor Alfandega, José da Costa no asesor Luis Almeida Camara esplika, razaun koloka funsionáriu administrasaun iha seksaun sira atu asegura de’it prosesu administrasaun no asegura osan taxa ne’ebé rekolla kada loron, tanba seidauk iha estrutura no sei hein lei organika RAEOA nian ne’ebé sei iha Konsellu Ministru.