Comissão da Função Pública

Enkontru Komisáriu ba portefóliu forsa traballu, José Telo Soares Cristovão iha sesta-feira, (14-02-2025) ho ekipa PROSIVU diskute planu implementasaun programa formasaun lian inglês ba funsionáriu sira, iha sala reuniaun KFP, Matadouro, Díli.

Objetivu husi enkontru diskute kona-ba planu atu implementasaun programa ELTA (English Languages trainning of ASEAN), hodi hasa’e kapasidade funsionáriu públiku iha lian ingles hodi responde ba Timor-Leste ninia adezaun plena ba membru ASEAN.

Komisáriu KFP, José Telo hateten, apoia ne’ebé governu Australia fó oinsá apoiu apoiu Governu Timor Leste atu hasa’e kapasidade Funsionariu Funsaun Publiku, liliu iha lingua ingles. Tamba agora adezaun  ba ASEAN ingles hanesan rekerimentu ida oinsá para  Governu Timor Leste no ofisial  bele hatene, wainhira ba tuir enkontru iha ASEAN bele iha kapasidade lingua ingles ne’ebé di’ak liután. Nune’e  PROSIVU – Governu Australia apoiu ba MNEC no ba mós Komisaun Funsaun Públika, bele oferese kapasidade ba Governu Timor Leste, ne’ebé ho programma PROSIVU iha kooperasaun di’ak tebes ho Komisaun Funsaun Públika.

Importante tebes ba Funsaun Públika, ne’ebé daudaun ne’e buka fatin atu formasaun ba lian inglês no konkorda tebes atu hala’o formasaun sira ne’e, KFP la iha esepsaun maibé teknikamente ami presiza diskute atu servisu sira ne’e bele implementa ho di’ak, dehan Komisáriu Komisaun Funsaun Públika  José Telo Soares Cristovão.

KFP mós agradese ba poiu husi programa Australia, ne’e la’os foin mak apoiu maibé liu husi PROSIVU – Governu Australia hanesan parseiru ne’ebé durante ne’e apoia iha pilar administrasaun públika nian ba KFP. No agradese tanba apoiu ba Governu Timor-Leste atu hadia no ajuda di’ak liután adere ba ASEAN.