Tersa-Feira, 5 Marsu 2019 – Prezidenti Komisaun Funsaun Públika, Faustino Cardoso Gomes konsidera Seminariu Nasional Ema ho defisiensia iha Administrasaun Públika ne’ebé hala’o iha Hotel Timor, konsege hamonsu komprensaun hanesan husi parte hotu, tamba fo atensaun bo’ot ba ema ho defisiensia liu husi polítika ne’ebé hala’o durante ne’e no iha futuru.
Faustino Cardoso Gomes fiar katak, parte hotu sensibilizadu ejijensia atu uza linguazem sira ne’ebé fó espasu diskriminasaun no kompromete sai ejente transoformador hodi halakon prekonseitu estimizasaun ne’ebé manifesta deskriminasaun hasoru ema ho defisiensia iha ida-idak nia servisu fatin, hodi evita kultura diskriminativa manifesta husi liafuan hanesan matan aat, tilun diuk, ain aat, no sira seluk ne’ebé sai preokupasaun ba ema ho defisiensia sira.
Parte hotu sensivel no promove inklusaun ema ho defisiensia iha polítika, bainhira elabora lei ruma ligadu ho Funsaun Públika, ejize konsultasaun ho ema defisiensia. Presija asaun konkreta ba promosaun inkluzaun no partisipasaun ema ho defisiensia iha Adminstrasaun Públika ho meus koordenasaun, komunikasaun entre instituisaun estadu ne’ebé sai xave ba implementasaun.
Komisaun Funsaun Públika rasik kompromete atu hamosu no revé manual no orientasaun sira ne’ebé iha ona, atu asegura inkluzaun no partisipasaun ema ho defisiensia ho aktividade levantamentu dadus liu husi servisu hamutuk ho embaixada Aussralia, DFAT iha tempu badak.
Rezultadu husi levantamentu sei apresenta liu husi seminariu Nasional ida atu konsensiliza parte hotu hodi hatene dadus lolos kona-ba ema ho defisiensia iha administrasaun públika hodi hamosu politika adekuadu korensponde ba nesesidade ho ema ho defisiensia iha adminstrasaun públika.=
Orador ba iha seminariu Nasional ne’e, KFP rasik, Diretores geral husi Ministeriu Saúde, Ministeriu Edukasaun, Ministeriu Obras Públika, Ministeriu Solidaridade Sosial no Inkluzaun , Sekretariu Estadu Igualidade no Inkluzaun no representante Embaixada Australia, parseiru ba Human Development, inklui asosiaun defisiensiente hanesan Raes Hadomi Timor oan-RHTO, no Asosiasaun Defisientes Timor Leste –ADTL.
Ekipa konjunta husi KFP, KAK, IGE no Patrimoniu Estadu halo vizita surpreza ba iha portu…
Komisáriu Portofóliu Forsa Traballu Komisaun Funsaun Públika, José Telo Soares Cristovão hateten, problema ida ne’e…
Primeiru-Ministru Kay Rala Xanana Gusmão prezide reuniaun koordenasaun interministerial ba segimentu kona-ba deklarasaun Prezidensia Simeira…
Estatutu Funsaun Públika depois hetan autorizasaun husi Parlamentu ho lei númeru 7/2024, no halo alterasaun…
Tersa-feira, 03 Juñu 2025 – Prezidente, Komisarius Komisaun Funsaun Públika akompaña husi Sekretária Ezekutiva no…
Suspensaun ba rekrutamentu ne’ebé mak Konsellu Ministru suspende baze ba pedidu husi Komisaun Funsaun Públika…