Programa Dader Kmanek iha GMN TV
25 janeiru 2022, Xefe Unidade Peskiza, Polítika no Observasaun iha Funsaun Públika, Elio Pereira Guimarães reprezenta Komisaun Funsaun Públika iha programa Dader Kmanek iha kanal GMN TV hodi koa’lia kona-ba Inkluzaun Sosial Iha Funsaun Públika.
Hare husi kompetensia Komisaun Funsaun Públika (KFP) iha komprimisiu ida atu kumpri ba polítika Estadu nian ein jeral atu promove ema ho defisiensia iha Timor-Leste.
“Nu’udar Administrasaun Públika ita buka aliña polítika sira husi Governu no Estadu nian, ne’ebé mak KFP hatur ona iha planu no objetivu estratéjiku ne’ebé define ona iha númeru 13 kona-ba oportunidade asesu ba ema hotu no iha Funsaun Públika ba ema ho defisiensia no númeru 24 ne’e mós hatur katak, asegura inkluzaun sosial iha prosesu rekrutamentu, nomeasaun no promosaun iha Administrasaun Públika Timor-Leste.
Planu Estratejiku KFP ne’e mós aliñadu ho Planu Estratéjiku Dezenvolvimentu Nasional (PEDN) 2011-2030. Husi Planu Estratejiku KFP nian husi 2015-2030 no ami mós dedus ba iha prioridade polítika ba tinan 5 nian. Hanesan iha mandatu III KFP nian define ona prioridade polítika 44 ne’ebé mak reflete ona mós asuntu inkluzaun sosial.” esplika Elio Pereira Guimarães hanesan Xefe Unidade Peskiza, Polítika no Observasaun iha Funsaun Públika iha studiu GMN TV, Bebora, Dili.
KFP mós halo ona peskiza, semináriu ida kona-ba ema ho defisiensia iha Administrasaun Públika no konsulta mós ho asosiasaun sosiedade sivil, asosiasaun ema ho defisiensia sira atu estabelese akordu ida hodi asegura ema ho defisiensia iha tratamentu ne’ebé hanesan, justu, la iha diskriminasaun iha Administrasaun Públika Timor-Leste.
Nune’e enkoraja mós maluk defisiente sira atu kontinua dezempeña sira nia knár iha Administrasaun Públika, nafatin halo aproveitamentu iha setór oi-oin, atu nafatin kapasita an, dezenvolve an no nafatin partisipa ativa iha konstrusaun Estadu iha Timor-Leste, hanesan moto “La Iha Ema Ida Mak Hela Iha Kotuk”.
Programa ne’e realiza liu husi servisu hamutuk ho Department of Foreign Affairs and Trade (DFAT), Australia.
Prezidente no Komisariu KFP akompaña husi Sekretária Ezekutiva hamutuk ho ekipa tékniku husi Ministeriu Finansa…
Komisáriu Planeamentu Forsa Traballu husi Komisaun Funsaun Públika (KFP), José Telo Soares Cristovão, partisipa iha…
Tersa-feira, 06/01/2026 – Prezidente no Komisárius Komisaun Funsaun Públika (KFP) hala'o enkontru ho Embaixadora Timor-Leste…
Segunda-feira, 05/01/2026 – Loron 5 fulan-Janeiru tinan 2026 sai hanesan inísiu ba servidór estadu sira…
Díli, 11 Dezembru 2025 – Komisaun Funsaun Públika (KFP) no Ministériu Justisa realiza Formasaun Karákter…
Komisaun Funsaun Públika (KFP) no Institutu Nasional Seguransa Sosial (INSS) nota entendimentu hodi kontinua fasilita…