Comissão da Função Pública

Aprovasaun rezolusaun Governu ne’ebé aprova liu husi aprezentasaun proposta KFP nian ba Primeiru Ministru liu husi Konsellu Ministru ne’ebé tinan ne’e kontinua define kuota 10% ba promosaun jeral funsionáriu públiku ba tinan 2023.

Nune’e iha loron, (29/03/2023) ne’ebé KFP reprezenta husi Prezidente interina Komisaria KFP, Maria de Jesus Sarmento, Komisariu Fausto Freitas da Silva akompaña husi Sekretaria Ezekutiva Maria da Costa Oliveira no Asesor legal KFP, José Reali partisipa iha enkontru Konsellu Ministrus nian ne’ebé mak aprova ona projetu rua kona-ba Rezolusaun Governu nian, ne’ebé aprezenta husi Primeiru-Ministru no husi Komisaun Funsaun Públika, ne’ebé fó-sai vaga ba promosaun ba tinan 2023 pesoál ne’ebé integradu iha Rejime Inspetór ba Serbisu Rejime Jerál ba Karreira Administrasaun Públika ba tinan 2023.

Nune’e, ba tinan 2023, Konsellu Ministrus deside ona fó-sai vaga neen ba promosaun pesoál integradu iha Rejime Inspetór Traballu nian, ne’ebé husi vaga rua ne’e ba Inspetór Rejionál no haat seluk ba Inspetór ba Kategoria da-1.

Totál husi vaga sira ba promosaun, define ba Rejime Jerál Karreira Administrasaun Públika nian, 36 maka ba vaga Tékniku Superiór -Grau A, 110 ba Tékniku Superiór – Grau B, 168 Tékniku Profisionál – Grau C, 236 ba Tékniku Profisionál –Grau D, 146 ba Tékniku Administrativu –Grau E no 87 ba Asistente –Grau F.