Comissão da Função Pública

Kestaun kazuais, voluntariu, kontratadu no funsionariu permanente, tuir estatutu Funsaun Públika la kontempla pensamemtu linear ( hahú husi eskada inisial ho voluntariu, kazuais depois ba kontratadu hafoin ba permanente la iha ida), destaka prezidente KFP.

“Iha ne’ebá ko’alia rejime kontratasaun atu sai permanente ne’e iha maibé tenke liu husi konkursu públiku no Komisaun ninia rekomenda ba instituisaun sira atu halo voluntariu ba ema, ne’e desde segundu mandatu ami haruka kedas karta ba instituisaun estadu sira la haruka atu iha tan ema voluntarius, tanba viola ema nia direitu kodigu sivil”, destaka prezidente KFP.

Karik nesesidade, entaun tenke halo kontratasaun hodi ema bele aplika liu husi konkursu públiku. Tanba iha Ministériu barak liu iha voluntariu ida mak MEJD, no autoridade Funsaun Públika deskonfia keta halo ba MOP mós iha, se iha husu atu evita labele iha voluntarius.

“Buat hotu tenke iha Planeamentu Forsa Traballu no nesesidade Traballu, ne’ebé mak jestor rekursu umanus tenke halo Planeamentu Forsa Traballu ida ne’ebé mak di’ak, ne’e ezije kapasidade atu halo análize konstantemente ba situasaun Kuadru pessoal no polítika instituisaun ninian. Wainhira ema ruma atu tama reforma karik saida mak ita planeia atu halo rekrutamentu no ba área saida ne’e tenke iha no tenke iha planu ida integradu,” esplika prezidente KFP, Faustino Cardoso Gomes.

Tuir orsamentu jerál estadu ne’ebé mak ligadu ho salariu vensimentu ninian kontempla hotu iha sistema Ministériu finansas nian, tantu asesores sira, ne’e atu kontrola liu tan uzu orsamentu ba pessoais “item ida ba despezas pessoais”, ne’e avansus pozitivu ida, tanba iha tendensia despezas boot tebes, no despezas ba fins atividade nian kiik tiha ne’ebé prejudika ba sustentabilidade finanseira Estadu nian, ne’ebé makina estadu aumenta maibé rezultadu final la iha, rekoñese Faustino Cardoso Gomes wainhira halo diseminasaun ba MOP iha sesta feira, (28/10/22/022).