Comissão da Função Pública

Prezidente Komisaun Funsaun Publika, Agostinho Letêncio de Deus ho komisáriu José Telo Soares Cristóvão partisipa iha serimónia Tomada de Posse ba kargus nomeadus diresaun no xefias 179 iha Ministériu Agrikultura Pekuaria Peskas no Florestas (MAPPF) mai husi munisípiu 12 no RAEOA iha segunda-feira (12-02-2024), iha salaun Delta Nova.

Prezidente KFP iha ninia diskursu lori KFP nia laran apresia ba kolaborasaun MAPPF hodi realiza serimónia posse no asinatura posse, no parabeniza mós emposadu sira ba knár foun ne’ebé mak iha. Knár todan ne’ebé mak iha todan tebes tanba ne’e tenke simu ho responsabilidade, valoriza pontu importante sira hodi presta servisu ho di’ak.

Iha fatin hanesan Ministru Agrikultura Pekuaria Peskas no Florestas, Marcos da Cruz iha ninia diskursu hateten, eventu hanesan ne’e importante tebes iha instituisaun públiku ida li-liu iha MAPPF ne’ebé mak kobre ba área boot iha setór agrikutura nian ne’ebé mak importante tebes. Haree ba programa Governu nian iha ninia vizaun ba ministériu mak oinsá atu servisu hamutuk ho komponentes hot-hotu, parseirus dezenvolvimentu sira husi karaik to’o agrikultor sira atu ita bele fornese aihan ida ne’ebé ho kuantidade boot, nutritivu, asesivél no sustentavél.

Partisipa iha serimónia posse ne’e mai husi membru governu sira, membru parlamentu, relijioza, parseirus dezenvolvimentu FAO, família no funsionáriu MAPPF.