Comissão da Função Pública

Segunda Feira, 10-02-2025, Prezidente Interinu KFP Komisáriu ba portefóliu planeamentu  forsa traballu, José Telo Soares Cristovão partisipa iha abertura workshop implementasaun organika  Ministériu Interior nian ligadu ba regulamentu sira ba kargus diresaun no xefias.

Iha diskursu Ministru Interior, Fransisco da Costa Guterres hateten, workshop ne’e rezultadu husi analiza tinan ida resin kona-ba funsionamentu intituisaun ne’ebé mak iha Ministériu Interior nia okos, ne’ebé presiza haree kestoens lubun boot ida hodi rezolve ho mudansa estrutura, nomeasoens sira hotu ne’ebé iha impaktu boot tebes ba implementasaun ba regras  ne’ebé mak iha. Ba lei organika Ministériu relevante no regulamentu hanesan ministerial kona-ba organika  ne’ebé mak tuir worksop ne’e haree didiak, komprende, husu no tuir ho seriu  hanesan papel instituisaun, hanesan servidor estadu, hanesan xefi hodi foti desizaun ne’ebé mak loos  no onestu.

Hafoin abertura iha mós mensajen husi entrevista ho media RTTL  Prezidente Interinu Komisaun Funsaun Públika no Komisáriu ba portefoliu planeamentu forsa traballu hato’o mós mensajen ba partisipantes sira, no agradese ba Ministériu Interior haree husi topiku Ministeriu Interior halo iha inisia buat hotu di’ak, dirijente sira hatur iha ida-idak nia papel hirak ne’e, fila fali ba sosializa ba funsionariu kada diresaun atu bele hatene.

Prezidente Interinu KFP, José Telo Soares Cristovão rekomenda ba Ministériu Interior atu halo sosializasaun ba padraun kompeténsia ba funsionáriu públiku sira ne’ebé baze ba dekretu lei 24/2016 kona-ba rejime jeral ne’ebé funsiona iha Funsaun Públika nian para bele hatene.

Workshop ne’e sei realiza durante loron tolu hahú husi 10-12 fevereiru 2025 iha salaun CNE ba partisipantes nain 319 kompostu husi feto 53 mane 266.

Partisipa iha abertura workshop  implementasaun Komisáriu KAK,  Ministru Interior, Sekretariu  Estadu Protesaun Sivil, no okupantes kargus diresaun no xefias iha Ministériu Interior husi munisipiu hotu inklui RAEOA.