Prezidente no Komisárius Komisaun Funsaun Públika, Sekretária Ezekutiva no Diretor Planeamentu Forsa traballu iha Funsaun Públika no ekipa téknika enkontru ho Ministru Justisa, Sérgio Hornai hodi diskute kona-ba reforma jestaun rekursu umanus iha funsaun públika nian ne’ebé mak planeia husi IV mandatu ba mós formasaun karakter ba funsionárius públikus sira.
Ministru Justisa apresia ba Prezidente KFP ho ninia lideransa bele hamosu planu reforma ida di’ak ba jestaun rekursu umanus nian, hodi introduz, uniformiza setór administrasaun públikatantu direta no indireta sira liu husi planu reforma ne’ebé iha no haree mós ba formasaun dezenvolvimentu karakter iha funsaun públika. Nune’e husi justisa nia parte sei apoia hodi husu wainhira formasaun karakter ne’e implementa ba mós funsionárius iha prizionais sira atu bele tuir formasaun karakter ne’e iha tinan oin mai.
Ministru Justisa apoia ba reforma sira ne’ebé pozitivu, ita tenke elosia no rekoñese hanesan progresu ida husi komisaun ninia abilidade, apresia tebes ba Prezidente no Komisárius sira.
Iha audiensia ne’e Prezidente KFP mós espresa katak, KFP IV mandatu ho hanoin ida hakarak vizita liñas ministeriais sira ho superior másimu sira atu introduz di’ak liutan planu reforma ne’ebé komisaun iha, no diagnóstika ne’ebé halo oinsá atu buka tur komunika direta entre komisaun ho liñas ministeriais sira.
Audiensia ne’e ba dahuluk Komisaun Funsaun Públika halo ho Ministru Justisa hodi partilla ideia, oportunidade lubun ida ho Ministru Justisa oinsá atu bele servisu hamutuk ba oin bele rezolve kestaun rekursu umanus iha nivel ministeriais nune’e mós ba justisa nian, esplika Prezidente KFP.
Audiensia ne’e hala’o iha salaun Ministériu Justisa iha sesta-feira, (22/11/2024).
Ekipa konjunta husi KFP, KAK, IGE no Patrimoniu Estadu halo vizita surpreza ba iha portu…
Komisáriu Portofóliu Forsa Traballu Komisaun Funsaun Públika, José Telo Soares Cristovão hateten, problema ida ne’e…
Primeiru-Ministru Kay Rala Xanana Gusmão prezide reuniaun koordenasaun interministerial ba segimentu kona-ba deklarasaun Prezidensia Simeira…
Estatutu Funsaun Públika depois hetan autorizasaun husi Parlamentu ho lei númeru 7/2024, no halo alterasaun…
Tersa-feira, 03 Juñu 2025 – Prezidente, Komisarius Komisaun Funsaun Públika akompaña husi Sekretária Ezekutiva no…
Suspensaun ba rekrutamentu ne’ebé mak Konsellu Ministru suspende baze ba pedidu husi Komisaun Funsaun Públika…