Comissão da Função Pública

19 Janeiru 2023, Prezidente Komisaun Funsaun Públika (KFP), Faustino Cardoso Gomes, Komisáriu asuntu disiplina, Fausto Freitas da Silva no Komisária asuntu ba Finansas, Baze Dadus Iha Funsaun Públika, Pensaun no Reforma, Protokolu no Komunikasaun, Maria de Jesus Sarmento partisipa iha serimónia lansamentu manual dezenvolvimentu deskrisaun servisu no manual avaliasaun dezempeñu ba profisionais saúde iha hotel Timor Colmera, Díli.

Prezidente Komisaun Funsaun Públika, Faustino Cardoso Gomes iha ninia diskursu hato’o Komisaun Funsaun Públika iha ninia vizaun estruturante ida maka oinsá atu revitaliza Funsaun Públika ba âmbitu estratejia aproximasaun oi-oin hodi hala’o, alende ajustamentu remunerasaun, oinsá fó valorizasaun, koñesimentu ba servisu sira ne’ebé di’ak ne’ebé hala’o husi funsionárius públikus responsáveis, lideransas. Alende ne’e ita komemora loron nasional Funsaun Públika ne’ebé hala’o iha kada tinan.

Nune’e oinsá atu hadia, hametin, hasa’e liu tan ita nia jestaun rekursus umanus, ne’ebé mak sai fatór determinante hodi ajuda ita la’o ba oin iha misaun estratéjiku importantíssimu ida atu liberta povu iha kontekstu ida ne’e husi moras, asegura saúde saudável ba ita nia komunidade, ita nia povu ho sentidu manan konfiansa husi komunidade no povu.

Alende iha Prezidente Komisaun Funsaun Públika ninia diskusu ne’e lori KFP naran hamutuk ho Komisáriu sira no mós Sekretariadu tomak agradese no senti ksolok no hakarak enkoraja no kongratula Ministériu Saúde (MS) ho lideránsa husi Sua eselênsia Ministra hamutuk ho Vise Ministru atu oinsá maka rejista, destaka, konkista ida ne’e, ein termus ba melloramentu iha âmbitu jestaun rekursus umanus.

Prezidente esplika katak, konkista prosesu ida ne’ebé méritu ho envolvimentu másimu, ho partisipasaun másimu liu husi mekanízmu, liu husi oportunidade sira hirak ida atu oinsá maka lori ita hamutuk ho orgullu, akompaña lansamentu ida ne’e. Nune’e ho metodolójikamente “tidak dapat diragukan” katak, profesionál, méritu duni tuir ninia prosesu, tanba ho envolvimentu másimu husi nasionál to’o iha kraik ho partisipasaun luan teb-tebes ho profesionál sira nia koñesimentu tékniku sira, halo konsultasaun liu husi semináriu no méritu tuir prosesu ne’ebé vigora.