Comissão da Função Pública

Komisáriu Komisaun Funsaun Públika, Agapito da Conceição partisipa iha Semináriu Nasionál  “Regra e Prosedimentos Para o Desenvolvimento das Infraetruturas em Timor-Leste”, realiza iha loron Kinta-feira, 15 fevereiru 2024, iha salaun Auditoriu 1, Ministériu Finansas, Aitarak Laran, Díli.

Semináriu ne’e ho nia objetivu promove programa Governu iha setor infraestutura liu husi diskusaun entre Governu no parseirus dezenvolvimentu no entidade relevantes foka ba kualidade, dezafiu no solusoens iha dezenvolvimentu infraestutura. Fortifika relasaun entre Governu parseiru dezenvolvimentu no entidade sira hotu. Promove prinsípiu transparensia iha setor infraestutura hodi garante boa governasaun no promove dezenvolvimentu ekonómiku iha rai  laran tuir kompromisu IX Governu Konstituisional.

Abertura semináriu nasional ho tema Regras E Procedimentos Para O Desenvolvimento Das Infraestuturas em Timor-Leste, no abertura ne’e ofisialmente loke husi Primeiru-Ministru Kay Rala Xanana Gusmão.

Iha abertura ne’e Ministru MPIE, Gastão Sousa hateten seminariu nasionál ne’e importante ba ita hotu liu-liu ba atividade iha tinan kotuk iha dezenvolvimentu iha ita nia rain, hodi haree liu ba kulidade, dezafius ne’ebe mak ita enfrenta no buka solusoens, haree ba prósperiedade hodi hadia di’ak liutan iha futuru, tanba ne’e importante tebes entidade relevantes ne’ebé kaer papel iha setor infraestrutura tenke koñese proprelisse aan ba regras no prosedimentu sira iha setor infeastrutura hodi garante kualidade.

Iha Primeiru-Ministru ninia diskursu ne’e husu se mak iha hanoin no ideias di’ak ida ba planu di’ak halo buat ne’ebé tuir regras no prosedimentu, tanba osan povu nian uza halo didiak, uza ho transparensia, integridade ba buat sira ne’ebé iha tuir nia estutura akuntabilidade.

Xefe ezekutivu Governu dasia hateten, planu PNDS ba munisípiu sira iha tinan 2021 gasta 21 millioes, 2022 gasta 10 millioes, 68 millioes ba PNDS ne’ebé mak gasta ona 28 millioes seidauk efetivu, infraestrutura la emi Governu sentral, iha imi karaik ne’ebá, tanba ne’e husu, dialogu importaten tebes no ita tenke kurizi, buka atu prepara ba desentralizasaun. Ne’ebé mak desentralizasaun la’ós hili adminsitrador ida tur iha ne’ebá la halo buat ida tenke prepara planu sira, iha finansas, ih Parlamentu, iha Administrasaun, iha enjeñeru sira hodi haree ba projetu no verifika, tanba Governu lokal importante tebes atu dudu dezenvolvimentu, ne’ebé husu ba ita boot sira atu partisipa ho di’ak.

Seminariu ne’e partisipa másimu husi membru governu sira, membru parlamentu, korpu diplomátiku, PDHJ, KFP, NGO, Sosiedade Sivil, Autoridade munisípiu, diretores jerais no diretores nasionais.