Comissão da Função Pública

Presidente Republika Timor Leste Jose Manuel Ramos Horta iha nia abertura ba terceiro Seminario konaba Association of South East Asian Nations-ASEAN nian, iha loron 10 fulan Agostu 2023 hateten, Preparativu adezaun Timor Leste ba ASEAN, prosesu ida naruk, hahu kedas iha tinan 2011, Timor Leste husu atu sai membro ASEAN.

Presidente Ramos Horta nia hare katak, parese tinan 2025 maka Timor Leste bele sai membro ASEAN,  tamba sei infrenta menus rekursu humanos, nune’e husu ba Nono Governo Konstitusiona presiza halo revizaun ba lejislasaun sira, hodi hadia Instituisaun relevantes, inklui kria kondisaun infrastrutura, atu bele fasilita Timor Leste sai membro ASEAN.

Presidente esplika liu tan katak tamba Timor Leste sei hasoru limitasaun liga ba pilar prinsipal tolu  Politika, Economia, seguranca socio kultural, iha ministeriu ida idak nia area kompetensia envolve iha prosesu shop lideranca nian, Estadu no Governo Timor Leste mos indika vice Ministra ida Dra. Milena Rangel hodi hare espesifikamente ba assuntu ASEAN.

Durante ne’e mos Komisaun Funsaun Públika servisu hamutuk ho Ministerio Negosio Estrajeiros no Cooperasaun–MNEC iha prosesu rekrutamentu ba ema sira ne’ebe maka iha duni kapasidade atu sai hanesan ofisiais iha Ministeriu relevante sira, atu bainhira Timor Lesta sai mamebro ASEAN, sira prontu asegura efetividade servisu nudar membro ASEAN nian.

Oras ne´e mos Ministeriu relevantes sira hanesan SEFOPE, Educasaun, Ministerio Turismo Komersio inklui Komisaun Funsaun Públika kontinua halo koordenasaun servisu preparasaun, ligadu ba Nono Governo Konstitusional nia prioridade, estrutura oraganika ministeriu ida idak nian no orsamentu.  Ligadu ba preparasaun refere, Presidente KFP Faustino Cardoso Gomes hateten, oras ne’e dau-daun  funsionariu públiku sira husi ministeriu relevantes nain 10 resin tuir hela formasaun iha Jakarta durante fulan tolu, no membro ASEAN sira pronto koopera no suporta formasaun refere, depende ba Politika membro ASEAN ida idak ninian, liu husi coordenasaun servisu ho secretariadu ASEAN nian iha Jakarta-Indonesia.