Comissão da Função Pública

Sesta feira, 18/11/2022 – Prezidente Komisaun Funsaun Públika, Faustino Cardoso Gomes orador iha formasaun lideransa hodi ko’alia kona-ba  “Dezenvolve sensu nasionalizmu no patriotizmu”  iha salaun enkontru INAP, Comoro, Dili.

Iha Prezidente KFP, Faustino Cardoso Gomes nia aprezentasaun matéria  hateten, polítika ne’ebé durante ne’e Estadu dezenvolve maka atu hametin istória konjuntu/komun Timor-Leste nian no jerasaun foun sira tenki hatene no banati tuir  oinsá bele iha vontade/kapasidade atu realiza prinsipiu no valor sira ne’ebé eroi sira husik hela. Liu husi dezempeñu servisu lor-loron hodi halo atendimentu ba públiku  ho lalais, responsabilidade,  la haree  ba koor no grupu.

Bainhira funsionáriu ingresa ba funsaun públika, destaka responsabilidade ida ne’ebé aas maka sensu nasiolizmu no patriotizmu hodi tane aas interese Estadu nasaun, povu hodi hadook an husi hahalok subornu no interese individual.

Atu valoriza éroi sira nia sakrifisiu tenki hatudu liu husi dezempeñu servisu lor-loro ho responsabilidade  tuir prepektiva  tékniku metrokrasizmu profesionalizmu kombina ho sensus nasionalizmu no patriotizmu tuir área intervensaun no kompeténsia  ida-idak nian.

Nu’udar kargu xefia tenki asume servisu ho responsabilidade oinsá sub alternu sira nia servisu  hodi kria ambiente  servisu hamutuk hodi asegura funsaun públika ida ne’ebé ho integridade, kualidade, responsabilidade no tane aas sensus nasiolizmu, patriotizmu hodi hakawen ho sensu meritukriasizmu no profesionalizmu.  

Formandu formasaun lideransa hamutuk 30 mai husi instituisaun Estadu kompostu feto nain 16 no mane 14 ne’ebé mak la’o (14-25/11/2022), iha salaun INAP.