Comissão da Função Pública

Kinta feira 18-08-2022, Prezidente KFP, Faustino Cardoso Gomes orador iha seminár akadémika hodi komemora loron konsulta popular 30 Agostu 1999-2022 ho tema jeral A Unicacao  de uma nova forma maior para conquistar  o bem estar  da sociedade livre, justa  e prospera.

Iha seminár ne’e sub tema kona-ba A Polítika da desentralizasaun e poder local (desafios e oportunidades).

Iha sesaun ne’e Prezidente KFP iha ninia palestra ne’e ho tema espesial kona-ba polítika jestaun rekursu umanu, administrasaun públika iha nivel sub nasional ha’u uza liafuan sub nasional no  la’ós  munisípiu, tanba ha’u projeta ba oin wainhira temi sub nasional ita refere ba munisípiu, postu administrativu no iha futuru realizasaun poder lokal ne’ebé mai husi entidade ketak-ketak ona husi Estadu.

Nune’e tuir Prezidente KFP, husu tenta atu komprende no haree oinsá ita nia situsasaun forsa traballu atualmente iha, tantu iha nivel nasional, nune’e mós iha sub nasional ita tenta hari distribuisaun forsa traballu  iha setór públiku. Enkuantu iha sub nasioanl, depois haree oinsá  polítika jestaun rekursu umanu iha kontekstu tranzitóriu polítika ba desentralizasaun, oinsá ita haree ba oin wainhira tama iha faze realizasaun poder lokal.

Alende ne’e, Prezidente KFP esplika, iha seminár ne’e liga ho komemorasaun loron konsulta popular bele lori ita livre husi okupasaun estranjeira, ne’ebé oras ne’e ita buka oinsá fó sentidu makas liutan ba Estadu de direitu demokrasia  RDTL liu husi eventu istória restaurasaun independensia iha 20 maiu 2002. Nune’e konvida ita hotu presta omenajen ba éroi sira inklui fatin ida ne’e érois barak mak mate iha ne’e. Fatin ne’e sai fatin provokador protagonista ba iha prosesu luta ba ukun rasik an nian, mak iha tempu ne’ebá hanaran UNTIM.

Nune’e mós Reitor UNTL hateten, lori UNTL nia naran hato’o benvindu ba vise Primeiru no Ministru Ordenamentu Teritóriu. Iha unifikasaun 30 agostu ita manan duni ita nia liberdade, ohin bele konsege restaura ita nia RDTL tinan ba dala 20, no husu ba dosentes no matenek nain sira iha UNTL atu halo reflesaun no oinsá atu lori UNTL ba oin.  

Seminár ne’e abertura husi Vise Primeiru Ministru no Ministru MPO, no husi Ministru Administrasaun Estatal ko’alia kona-ba desentralizasaun no poder lokal iha Timor-Leste.

Partisipa iha seminár ne’e, mak hanesan membru Governu, membru Parlamentu Nasional, autoridade lokal, dosentes  UNTL, konvidadus, estudante husi UNTL.

Seminár ne’e realiza husi Fakuldade Siênsia Sosiais no Polítika – UNTL iha Caicoli, Díli.