Comissão da Função Pública

Sábadu, 20-08-2022, Prezidente Komisaun Funsaun Públika partisipa iha komemorasaun loron FALINTIL ba dala 47. 

Komemorasaun loron FALINTIL ne’e hahú ho misa agradesimentu iha igraija Motael, hafoin misa kontinua ba kari aifunan iha Portu Díli ba iha tasi laran hodi fó omenajen ba éroi sira ne’ebé sakrifika an ba independensia paíz ida ne’e.

Komemorasaun ne’e hala’o iha resintu Palásiu Governu ne’ebé dirije direta husi Prezidente Repúblika Timor-Leste, José Ramos Horta iha ninia diskursu hateten, loron ne’e espesial tebes ba selebrasaun FALINTIL ba dala 47. Dalan maka konstituisaun no juramentu ne’ebé ita halo ba bandeira atu serví dame, tanen dame no serví povu.

Forsa Armada FALINTIL nia loron, povu mós partisipa, Forsa Armada mak halo  parte ba povu, mai husi povu, atu serví povu, serví Dame, tuba metin iha povu nia sorin hatudu respeitu domin ba povu, labele halo tauk povu.  Ida ne’e mós aplika ba Polísia kiik sira, kuandu boot sira haree forsa armada sai orgullu.

Aman ba nasaun ne’e hateten, ha’u hatene tinan hirak nia laran Forsas Armadas halo daudaun misaun sívika, maske ki’ik oan halo daudaun misaun sívika iha unidade engeñeria, unidade médika, wainhira iha posibilidades depende ba kondisaun ekonomia rai ne’e nian, kondisaun ne’ebe tuir programa Forsas Armadas nia bele karik, aumenta Forsa Armada para aumenta iha tempu paz iha kapasidade atu tane no tulun instituisaun Estadu ne’ebé iha responsabilidade ba situasaun umanitária, hadia eskola, hadia Estrada area rural ruma no iha situasaun dezastre natural sira.

Ha’u fó ha’u nia agradesimetnu ba forsa USA ne’ebé iha tinan hirak nia laran tulun ona ita, nu’udar Prezidente Repúblika husu ba Sekretáriu Estadu Defeza Amerikanu atu haruka apoiu mai Timor. Iha Timor tinan 10 ona presizamentu servisu no apoiu FALINTIL – F-FDTL iha kapasidade enjeñeria nian. Mezmu, nune’e Timor iha konfiansa no relasaun di’ak tebes ho nasaun sira sleuk hanesan Australia, Nova Zelandia, nasaun pasífiku sira, Indonézia, Malázia, Singapura, Thailandia, Filipina, Kamboja, Korea, Japaun no Índia. Iha Europa tomak Timor-Leste bele orgullu, ita laiha inimigu laiha adversáriu rasional, maibé ita prepara nafatin iha parte enjeñeria, médika ba iha Europa Paz ita nia Forsa ativu liu tan.

Iha serimónia aniversáriu loron FALINTIL ba 47 Prezidente Repúblik kondekora no onra ba Jeneral husi estranjeiru hanesan Indonézia, Portugal no Australia.

Partisipa iha serimónia  ne’e orgaun soberanu ezekutivu, Governu mak Primeiru Ministru Taur Matan Ruak ho membru governu sira, eis jeneral Lere Anan Timur ho nia espoza, Prezidente Tribunal Rekursu, Deolindo dos Santos ho nia membru, deputadus Parlamentu Nasional, korpu dilomátika, konvidadus husi nasaun Europa, Afrika, Asia, Amérika, reprezentante Vatikanu iha Dili, veteranus sira no mós veteranus husi nasaun Australia.

Alende ne’e iha mós bainaka espesial husi nasaun viziñu hanesan xefe estadu maior jeneral forsa armada Indonézia, Andika Perkasa, xefe Estadu maior jeneral forsa armada Portugal, Almirante Antonio Manuel Fernandes da silva Ribeiro no xefe Estadu maior jeneral forsas armada husi  Commonwealth Australia, Angus Campbell.