Comissão da Função Pública

Komsiaun Funsaun Públika (KF)) hala’o reuniaun kortezia ho Ministra no Vise-Ministra Ministeriu Solidaridade Sosial  no Inkluzaun (MSSI) no ao mezmu tempu koa’lia mós kona-ba nomeasaun no substituisau  kargu diresaun no xefia iha Ministeriu refere.

Iha reuniaun ne’e Komisaun hato’o, buka atu konfirma liutan no buka komprende mós situasaun sira ne’ebé maka fó dalan atu halo substituisaun komisaun servisu.

Iha reuniaun Prezidente esklarese katak molok hasai desizaun nomeasaun, Komisaun presija atu rona uluk husi Ministra ho Vise Ministra kona-ba kondisaun no situasaun sira mak liga ho prosesu sira maka fó dalan ba iha substituisaun. Pur ezemplu, polítika governu nian oinsa liu-liu liga ho estrutura organika VIII governo no haree mos ba grau mínimu.

Komisaria Maria Domingas Alves hatutan, “KFP hare’e mós ba periodu ida ne’ebé iha,  tamba governu sidauk forma hein hela prosesu sira ne’e hotu, Diretor-Jeral sira nia mandatu mós hotu ona entaun KFP deside ekstende sira nia funsaun ne’e ba hotu iha fulan Setembru atu nune’e uniformiza Ministeriu hot-hotu. Ne’e ami nia knar rasik atu hare’e situasaun sira ne’e, kuandu Governu seidauk lao lolos, entaun Komisaun hola desizaun ida ne’e atu kontribui ba efisiensia efikasia. Reforsa mós katak atu hetan governasaun ida diak presija mós ita ida-idak nia knar ba kontribuisaun ba estadu ida ne’e.”

Bazeia ba kestoens no hanoin sira ne’ebé Prezidente no Komisarius sira aprezenta bele fasilita desizaun hotu-hotu liu husi proposta ne’ebé maka MSSI aprezenta ba iha KFP.

Reuniaun ne’e hala’o iha (03/08/2018), iha gabinete Ministra MSSI.