Prezidente Komisaun Funsaun Públika sai orador ba Semináriu Rejionál Maliana iha Ámbitu Komemorasaun Loron Nasionál Funsaun Públika ba dala-IX ho topiku “Influénsia rede Sosiál ba Dezempeñu Servidór Públiku” ne’ebé hala’o iha Eskola Sekundaria Tekniku Vokasional Dom Bosco Maumali postu administrativu Maliana munisípiu Bobonaro iha Kuarta–Feira 12/07/2023.
Prezidente Komisaun Funsaun Públika iha ninia abertura hatete, funsaun públika ne’e konta kona-ba ema, no funsaun públika ne’e mak makina servidór estadu, ema sai fator determinante ba estadu ida ne’e, tamba ne’e iha momentu sira hanesan ne’e mak tenki buka halo refleksaun ba saida mak ita hala’o no oinsá atu hametin liu tan dezempeñu iha servisu fatin.
Estadu rekoñese no valoriza prezensa funsaun husi servidór públiku nian, ezemplu hanesan lansamentu ba publikasaun video “Oinsa Uza Zebra Cross ho Seguru” ho objetivu atu koñese utilizasaun Zebra Cross, tamba tinan tinan iha trafiku dezastre sa’e ba bebeik. Espera katak ho lansamentu husi Prezidente KFP, PAM Bobonaru, PAM Ermera, Administrador Munisípiu Liquiça no Comandante Polisia Maliana nian bele hasa’e koinesementu ba utilizasaun Zebra Cross hodi redus numerus dezastre.
Materia aprezentasaun husi orador na’in ha’at mak hanesan, Susessu, Dezafiu no Espetativa iha dezempeñu funsionalizmu públiku, aprezenta husi Prezidente KFP Faustino Cardoso Gomes, influensia rede sosiál ba dezempeñu Servidór Públiku, aprezenta husi Diretór AJAR José Luis Oliveira, Vizaun Polítika Administrasaun Públika iha ámbitu desentralizasaun, aprezenta husi Presidente Autoridade Munisipiu-PAM Bobonaru Hernesto de Oliveira Barreto no Prevensaun Asediu Seksuál iha Ambiente Servisu Administrativa Públika, aprezenta husi Diretora Ezekutiva FOKUPERS Maria Fátima Pereira Guterres.
Partisipantes iha semináriu rejionál ne’e mai husi Munisípiu ha’at parte oeste nian hanesan Bobonaro, Ermera no Liquiça hamutuk ema na’in 100 resin. Seminariu ne’e ensera ho fahe sertifikadu, foto hamutuk no taka stiker “Oinsa Uza Zebra Cross ho Seguru” ba motorizada sira iha Mercado Maumali Maliana.
Komisaun Funsaun Públika (KFP) audiensia ho Komisaun A ne’ebé haree ba asuntu konstitusionais no justisa…
Ataúro – Provedor Provedoria Direitus Umanus no Justisa (PDHJ), Komisáriu KFP ba portfóliu Disiplinár, Adjuntu…
Ataúro, Ekipa kuadrilateral kompostu husi Provedoria Direitus Umanus no Justisa (PDHJ), Komisaun Funsaun Públika (KFP),…
English Language Training for ASEAN Accession (ELTAA) hahú ona kursu ba kargus dirijentes husi liñas…
Relasiona ho polítika Komisaun Funsaun Públika nian ne’ebé iha kompeténsia sira ba jestaun rekursu umanus…
Primeira vizita Embaixador Índia ba Timor-Leste mai Komisaun Funsaun Públika hodi ko’alia kona-ba kooperasaun iha…