Comissão da Função Pública

Segunda-feira, 4 Marsu 2019 – Inspetor ba serimonia isar bandeira, Komisario Jose Telo Soares Cristovão koalia asuntu importante haat mak hanesan Relatoriu Anual, Planu operasional servisu kada diresaun, Avaliasaun Dezempeñu, planu Promosaun no interligasaun.

Iha nia diskursu, husu ba diretores no xefi departamentu sira atu prepara dokumentus ho kredivel antes KFP apresenta ba Parlamentu Nasional fulan marsu. Planu tenki submete trimestralmente  husu atu envolve xefi no funsionariu sira iha kada dirasaun no avaliasaun dezempeñu finaliza ona hodi submete ba sekretariadu KFP iha fulan marsu, maibe bainhira tarde toó fulan maiu no juñu, sei afeta ba servisu diresaun Forsa Traballu kontinua prosesa ba oin, hateten Komisariu iha serimonia isar bandeira nebe hala’o iha KFP.

Relasiona  Programa  promosaun tuir   planu atu halo iha fulan Marsu no Abril,  maibe la konsege tamba mosu desentendimentu entre  KFP ho Gabinete Primeiru Ministru,  tamba ne’e sei adia ba fulan Maiu no Juñu tinan 2019,  tamba ne’e husu nafatin ba funsionariu hotu atu prepara an hodi Kompete iha promosaun ne’e.

Entretantu dekretu lei numeru 01/2018 kona-ba promosaun nebe hamosu desentendimentu entre Gabinte Premeiru Ministru ho KFP,  Konselho Ministru aprova ona meadu fulan Fevereiru tinan 2019 no oras ne’e iha ona Prezidente da Repúblika atu promulga tempu besik.