Comissão da Função Pública

Kuarta Feira loron 6 fulan setembru tinan 2023, Prezidente Komisaun Funsaun Públika-KFP Faustino Cardoso Gomes partisipa iha Enkontru Steering Committee, iha Timor Plaza Comoro Díli, ne’ebé organiza husi Japan Internasional Cooperation Agency-JICA no Japaun Development Scholarship-JDS ou Programa Bolsu de Estudu husi governu japaun ba Rekursu Humanu iha Funsaun Públika.

Enkontru membru Steering Committee ne’e hala’o hodi diskute kona-ba planu implementasaun Bolsa Estudu Japaun nian ba funsionáriu públiku iha Timor laran tomak, hodi define mós kona-ba kriteria no modalidade ne’ebé mak persiza iha, entre Open The Recrutment no Nomination System ne’ebé ekipa Membru Steering Committee Organization iha, hodi hare nia vantazen no desvantazen, ho objetivu atu bele prienxe slot, ka númeru bolseiru sira ne’ebé Governu Japaun oferese tinan tinan ba Timor Leste.

Durante Diskusaun identifika mós katak durante ne’e la konsege prienxe númeru bolseiru ne’ebé Governu Japaun oferese ba Timor Leste, tanba ne’e ekipa mós hare dezenvolve estratejia sira atu hodi bele prienxe slot ka númeru bolseiru ne’ebé governu Japaun oferese ba Funsionáriu Públiku Timor Leste nian, hodi bele aproxima mós funsiunáriu sira, la’ós de’it iha nasional, maibé bele ba to’o iha munisípiu sira ho presentazen 60 pur sentu.

Bolsa estudu ne’ebé Governu Japaun fó ba Timor oan hahú husi tinan 2018 to’o ohin loron tama ona ba faze dala 6 (neen) ona, no semana  hirak liu ba  hala’o despedida ba bolseiru hamutuk ema na’in 12 (sanulu resin rua) ne’ebé mak konsege admitidu iha bolus estudu refere. Partisipa iha enkontru ne’ebé mak realiza husi JICA no JDS ne’e, mak hanesan JICA Timor-Leste office Mr.Takyo Naoki , Diretor General Minisrty of Higher Education, Sience and Culture Mr. Hernani Viterbo da Costa Soares, Deputy Head of Mission Embassy of Japan, Ms.Yamada Kazumi, Chief Representative of JICA Timor Leste Mr. Ito Mimpei, Diretor INAP Mr. Agostinho Letencio de Deus Fransisco da Siva, Manuel Timan husi MNEC, No Diretor Nasional koordenasaun no ezekutivu programa inspesaun human development Capital.