Comissão da Função Pública

Prezidente Komisaun Funsaun Públika (KFP), Agostinho Letêncio de Deus ho nia komitiva ba marka prezensa iha serimónia tomada de posse ba funsionárius Ajentes Administrasaun Públika 28 kompostu husi feto 15 no mane 13 ne’ebé rekrutadu ba Grau E: 12 no Grau D: 16, husi Tribunal Rekursu atu aumenta forsa traballu iha Administrasaun Tribunal Rekursu nia atu hala’o servisu ho efisiensia no efikasia iha loron oin mai.

Prezidente Komisaun Funsaun Públika, Agostinho Lêtencio de Deus nia prezensa iha serimónia tomada de posse ne’e liu husi nia alokusaun enkoraja ba funsionárius Ajente Administrasaun Públika nain 28 ne’e  hateten, sente satisfaz no onra bo’ot iha serimónia posse ne’e. Orgaun ida importante iha orgaun haat nia leet, ohin funsionárius Ajente Administrasaun Públika simu posse ne’e liu husi selesaun tuir meritu, hasees an husi interese pessoal, kores ka familiares presesu liu husi KFP ne’e ho imparsialidade, transparansia depende ba ema nia kualidade mak determina nia pasa, la’ós hili ba sira nain 28 ne’ebé simu posse no asina kontratu ne’e merese, tamba hatudu ona rezultadu ho kualidade liu husi prosesu naruk, ema barak monu iha dalan klaran, sira simu posse ne’e mak admitidu haree tuir sira nia abilidade no koñesimentu di’ak merese atu okupa pozisaun sira.

Prezidente KFP husu, presiza atu promove no hadia prestasaun servisu públiku nian iha setór krítiku hanesan justisa ne’e okupa pozisaun labele ba ema ne’ebé laiha kualifikasaun nesessariu atu foti desizaun hasoru situasaun kompleksu. Tamba kuaze kois, sei at tebes maibé, ba sira ne’ebé simu posse priense rekezitus liu husi prosesu méritu garantia ba nesesidades atendimentu servisu, sira preparadu iha kapasidade ho responsabilidade tuir kompetensia ida-idak nian.

Prezidente Tribunal Rekursu, Deolindo dos Santos liu husi nia alokusaun fó bemvindu ba funsionárius  Ajentes Administrasaun Públiku nain 28 ne’ebé selesionadu hodi priense  kriterius admititu. Ba sira ne’ebé la priense rekezitus mak la liu selesaun transparente, imparsialidade tuir regras formal, la hili familias, amigus no kores lae realidade loloos mak ida ne’e, ba funsionárius Ajente Administrasaun nain 28 ne’ebé simu ona posse hodi jura ba Maromak no Rai lulik prontu atu serví povu no Estadu.

Prezidente Tribunal Rekursu dehan, pose ne’ebé imi simu hola parte ona husi Tribunal Rekursu ninian funsionárius,  mai hodi servisu, labele sente aan hanesan sei iha liur, maibé tama mai servisu fatin halao servisu uza fasilidades Estadu nian ho responsabilidade, no husu ba dirijentes sira atu fó apoiu ba sira durante iha servisu fatin ba saida mak ladún intende ajuda, orienta atu bele eleva servisu ida mellor ba iha Tribunal Rekursu.