Comissão da Função Pública

18 setembru 2024, Komisáriu Komisaun Funsaun Públika ba portefoliu forsa traballu, José Telo Soares Cristovão no Sekretaria Ezekutiva, Maria da Costa Oliveira akompaña husi xefe departamentu planeamentu forsa traballu no asesor jurídiku reuniaun ho Komisáriu Autoridade Aduaneira ho nia ekipa hodi kolabora ho ajensia USAID Timor-Leste hodi tur hamutuk ba diskusaun proposta rejime kareira espesial.

Objetivu husi diskusaun proposta ba rejime kareira espesial (RKE)ba atividade governasaun komérsiu no hamutuk ho parseiru relevante sira atu dezenvolve proposta komprensivu no kursu asosiadu sira, no oinsá atu hasa’e liután ita nia kooperasaun atu kontinua mellora Autoriade Aduaneira ne’e ba oin.

Komisáriu Autoridade Aduaneira, Joanico Pinto iha ninia introdusaun ne’e ko’alia oinsá tur hamutuk ho parseiru sira USAID no KFP atu diskute proposta ne’ebé presiza haree ba ninia natureza servisu iha Aduaneira ninian, tanba ne’e iha Ministériu Finansas nia okos oinsá atu analiza mós ligadu ba sira nia remunerasaun sira iha Custom, Aduaneira nian ne’ebé mak durante ne’e ninia servisu buka reseitas. Partikularmente reuniaun ne’e atu halo konsultasaun hanoin sira no involve entidade sira atu bele konklui proposta ne’e hodi aprova iha nivel altu nian.

Iha KFP ninia parte komisáriu José Telo Soares Cristovão hateten, ligadu ba asuntu proposta ne’e rezultadu ne’ebé hala’o kualidade servisu bele benefisia nafatin hodi aposta ba natureza rejime espesial, hanesan ita valoriza funsionáriu sira nia servisu, tanba forsa servisu imi nia ami hakarak fó di’ak ba funsionáriu hotu hodi servisu di’ak.

Ligadu ba konsultasaun rejime kareira espesial ba funsionáriu Autoridade  Aduaneira (AA) ba asuntu relevante sira hodi bele hadia no finaliza esbosu ne’e bazeia ba opiniaun no sujestaun koletivu. Tuir artigu 35 iha Dekretu Lei nú.2/2020 katak, funsionáriu Aduaneira hola parte ba rejime ne’e aprova liu husi dekretu lei tuir grau, kompeténsia, espesializasaun, integridade no knár ne’ebé nia dezempeña ba. No artigu 18 indika mós nu’udar ajensia seguransa nasionál hola parte iha sistema integradu, nune’e iha artigu 17, dekretu lei nú.4/2010 indika Autoridade Aduaneira n’udar mós autoridade polísia iha ambitu husi nia poder organizasional. Alende ne’e hanesan mós rekezitus no padraun ASEAN no WTO nian ne’ebé mak presiza haree mós ba ninia remunerasaun no dezempeñu, esplika reprezentante USAID.