Comissão da Função Pública

Komisaun Funsaun Públika Timor-Leste partisipa iha enkontru preparatóriu ba ACCSM dala 23 ho ajenda importante ualu, ne’ebé organiza husi paíz membru ASEAN Cambodia hanesan uma nain ne’ebé la’o durante loron rua, (19-20 Maiu 2025), iha Provínsia Preah Sihanouk, Cambodia.

Enkontru ida ne’e ofisialmente hahú ona enkontru preparatóriu ho Ofisiál Seniór sira nian ba Kooperasaun ASEAN nian kona-ba Asuntu Funsaun Públika (ACCSM sigla inglés) dala 23.

Iha Prezidensia husi Sua Eselénsia CHHUN Socheat, Sekretáriu Jerál Komité Reforma Administrasaun Públika, Ministériu Funsaun Públika, iha enkontru ne’e halibur malu hafoin serimónia abertura hodi diskute ajenda estratéjika ualu. Husi diskusaun importante sira ne’e atu forma planu servisu tuir prezidensia Cambodia nian ba ACCSM ba periodu tinan rua 2024–2026.

Iha nia diskursu abertura, Sua Eselénsia CHHUN Socheat hateten katak, “2025 marka enkontru dala 23 ona hahú husi ita nia kooperasaun ne’ebé hahú iha tinan 1980. Durante dekada haat ona, ACCSM sai ita nia plataforma prinsipál ba troka inovasaun no prátika di’ak liu iha administrasaun públika. Liu husi enkontru anuál sira ne’e, ita hametin ona kooperasaun funsaun públika iha rejiaun tomak, harii relasaun ne’ebé besik liu entre ita nia ajénsia sira, no reafirma ita nia kompromisu ba governasaun di’ak.”

“Ita-nia esforsu ba asisténsia mútua ajuda ona atu hamenus diferensa dezenvolvimentu entre estadu membru sira. Iha kada enkontru no workshop, delegasaun sira fahe ona koñesimentu no apoia malu, hodi hatudu espíritu ASEAN nian. Objetivu ACCSM nian mak atu sustenta prestasaun serbisu públiku ne’ebé sidadán mak sai sentru no hanoin ita katak hotu-hotu ne’e tenke benefisia ita nia povu.” Nia akresenta.

Enkontru ne’e foka liu ba refinamentu planu asaun sira ne’ebé lidera husi Cambodia iha ACCSM 2024–2026. Nasaun membru ASEAN aprezenta sira nia relatóriu progresu kona-ba planu servisu ACCSM nian. Delegasaun sira partisipa iha proposta Planu Servisu ACCSM no ACCSM+3 2026–2030.