Comissão da Função Pública

Prezidente Komisaun Reguladora Arte Marsiais (CRAM) audiensia ho Prezidente no Komisárius Komisaun Funsaun Públika hodi rona hanoin ruma husi Komisaun liga ho funsionáriu involvimentu iha organizasaun arte marsiais no arte ritual ruma iha tersa-feira, (30/04/ 2024) iha salaun Komisaun Funsaun Públika, Matadouro, Díli.

Objetivu husi audiensia ne’e diskute pontu prinsipal rua, diskuti ideas no hamosu medida estratejika  sira hodi fó samada ba funsionariu públiku, ne’ebé involve aan iha organizasaun arte marsiais no arte ritual no hamosu kooperasaun servisu entre Komisaun Funsaun Públika ho CRAM hodi kontribui ba hasa’e efektividade intervensaun hodi regula no kontrola di’ak liu tan Ajente Administrasaun Estadu nian atu kumpri no leal de’it ba sira nia  juramentu hodi serví Estadu no povu.

Iha audiensia ne’e Prezidente CRAM hato’o informasaun sira relasiona ho servisu CRAM nian no ideias prioritárias sira, alende ne’e husu Komisaun karik iha involvimentu funsionáriu ruma iha tempu servisu Komisaun sei aplika tuir lei Funsaun Públika.

Husi Komisaun nia parte sujere atu sosializa informasaun no lei nú.5/2017 ne’ebé atribui ba CRAM atu sosializa mós ba funsionáriu sira iha programa diseminasaun no enkontru sira.