Comissão da Função Pública

Relasiona ho loron feriadu ba Finadu nian ekipa fiskalizasaun konjuta prende kareta Estadu ho plat 05.660-6G no 07.077-6G ne’ebé viola regra utilizasaun, hodi tula ema nain 6 labarik nain 3 no boot nain 3 ne’ebé mak la tama iha orden servisu hodi diresaun atu ba Viqueque nian no ida seluk la iha dokumentu orden servisu inklui SIM.

Prosesu kontinuasaun depois finadu sei fila hikas mai selu tiha lai nota informasaun ne’ebé mak fo husi PNTL, wainhira selu ona mak foin tama ba prosesu realise kareta ba utilizador ne’ebé entrega liu husi Munisípiu, no nota katak iha indisius uzu pekulatu ne’e sei toma konta husi KAK, kona-ba administrativu nian ekipa sei elabora tiha relatoriu mak hafoin enkamina ba KFP hodi prosesa ba aktus Disiplinar nian, esplika xefe departamentu Pátrimoniu Estadu iha sesta feira, (28/10/2022).

Enkuantu ekipa seluk hala’o vizita ba Ministériu MEJD, MAP, MAE, MTK. APORTIL no SEFOPE no ekipa halo mós auto stop ba parte sira Tasi Tolu no Mota Ulun nian la iha irregularidade ruma, enkuantu ba parte Fatuahi nian mak ekipa prende kareta rua.

Ein jerál Ministériu sira seluk no Ministériu ne’ebé define husi ekipa ba haree direta sira kumpri duni sirkular ne’ebé mak fo sai husi ekipa konjuta.

Ekipa fiskalizasaun konjuta kompostu husi KAK, KFP, Diresaun Jerál Pátrimoniu Estadu Ministériu Finansas, DNTT no PNTL Tranzitu.