English Language Training for ASEAN Accession (ELTAA) hahú ona kursu ba kargus dirijentes husi liñas ministeriais ba pilar ekonomia nian ba ema nain 20 iha nivel A2 durante fulan tolu (20 Outubru to’o Dezembru 2025), ne’ebé realiza iha Sekretariadu ELTAA iha KFP, Matadouro Díli.
Iha kursu ida ne’e Prezidente Komisaun Funsaun Públika, Agostinho Letêncio de Deus enkoraja formandu sira atu hatudu kualidade, liu husi língua ne’e hodi espresa ita nia koñesimentu ba ASEAN. Liu husi MNEK nia esforsu tomak, halo aprosimasaun ho Austrália atu haree programa mak ikus mai konkorda atu hahú programa prinsipal ida ba iha ASEAN ho formasaun lian inglês, prosesu ne’ebé mak diskute ho susesu no ba oin ita nia partisipasaun ne’e depende ba partisipante hira mak bele lori ba to’o rohan, iha dezafiu barak, tanba iha dezafiu sira ne’e hamutuk ho MNEK no KFP, ita ne’ebé mak foka ba ASEAN.
Autoridade Funsaun Públika ne’e garantia katak, ita boot sira ne’ebé mak sai pontu fokal tenki mantein iha ne’ebá, ita hotu tenki aprende. Parabéns ba ita boot sira tanba eskollidu entre 800 pessoas, ita boot sira mak importante ba futuru tenke to’o remata, no formasaun ne’e importante mak efeitu pontus ba promosaun.
Enkuantu Komisáriu ne’ebé responsavél ba portefóliu forsa traballu salient, servisu ida ne’e la’ós inisia husi Komisaun Funsaun Públika de’it maibé servisu hamutuk ho MNEK hetan apoiu máximu husi DFAT, PROSIVU ba formasaun tinan lima.
Komisáriu husu ba dirijente sira atu aproveita didiak durante kursu hodi aprende no hasa’e profisiensia iha lian inglês hodi kompleta 80 oras, atu ba futuru wainhira ba reuniaun ASEAN nian ita boot sira mak sei lidera no pontu fokal ASEAN ne’e permanente atu koordena ba asuntu ne’e.
Kursu ida ne’e la’o hetan apoia no parseria husi embaixada Austrália, Department of Foreign Affairs and Trade (DFAT), PROSIVUkoopera ho Ministériu Negósiu Estranjeiru no Kooperasaun (MNEK), no Komisaun Funsaun Públika (KFP) ba realizasaun kursu ida ne’e fasilita husi ekipa téknika no formador sira mai husi Lorosa’e English Language Institute (LELI).
Ataúro, Ekipa kuadrilateral kompostu husi rovedoria Direitus Umanus no Justisa (PDHJ), Komisaun Funsaun Públika (KFP),…
Relasiona ho polítika Komisaun Funsaun Públika nian ne’ebé iha kompeténsia sira ba jestaun rekursu umanus…
Primeira vizita Embaixador Índia ba Timor-Leste mai Komisaun Funsaun Públika hodi ko’alia kona-ba kooperasaun iha…
Prezidente Interinu Komisaun Funsaun Públika Komisáriu José Telo Soares Cristovão, Komisária Anita Tavares Ribeiro de…
Komisaun Funsaun Públika ne’ebé lidera husi Prezidente KFP, Agostinho Letêncio de Deus hanesan head of…
Sekretariadu Komisaun Funsaun Públika liu husi departamentu Rekursu Umanus Interna SKFP realiza formasaun kona-ba jestaun…