Comissão da Função Pública

Tersa-Feira 20-06-023, Diresaun Rekursus Humanu husi liña Ministerial hanesan Komisaun Funsaun Públika-KFP, Sekretariu Estadu Juventude Desportu-SEJD, Presidensia Conselho Ministro-PCM, Instituto Nasional Administrasaun Públika-INAP, Ministerio Administrasaun Estatal-MAE, Ministerio Saude no Ministerio Interior-MI hala’o Enkontru ho Presidente Komisaun Organizadora ba selebrasaun loron funsaun públika Paulino Kintas iha salaun Ministerio Asuntus Parlamentares no Komunikasaun Sosial-MAPKOMS hodi koalia kona ba Preparasaun  Loron Aniversario Funsaun Publika ninia ba Dala IX.

Iha Ekontru ne’e Presidente komisaun Organizadora Paulino Kintas hateten, enkontru  simplis ida ne’e atu koalia kona ba preparasaun loron Funsaun Públika nian ba dala IX, ne’ebe actividade  abertura nian halao tiha ona iha loron 29 fulan Maio liu ba, no to’o oras ne’e actividade Balu lao ona hanesan Despotivas Futsal no basket Ball, halo ona lansamentu ba Kontrusaun monumentu palasio Presidente Republika Resistensia nian iha Ermorin. Ho konstrusaun ne’e Autoridade Munisipiu Dili, Autoridade Lokal no Komuniddade sira, espera katak semana rua ka tolu tan hanesan ne’e bele finalisa  ona hodi bele inagura fali iha tempu besik.

Presidente Komisaun organizadora esplika katak tuir planu iha Actividade 13 maka sei hala’o. Actividade 2 ka 3 mak lao ona, restrante ne’e tamba  relasaun ho ministeriu relevante sira seluk, hanesan actividade limpesa jeral MAPKOMS ho funsaun públika fo fiar ba Ministeriu Administrasaun Estatal mak sei organiza, marsa saudavel   INAP Mak organiza, seluk mak actividade doasaun ran ne’ebe abertura simbolikamente hala’o husi Ministeriu saude. Ida seluk mak misa agradesementu fo fiar ba PCM komesa prepasaun lao ona no kontacto ona ho Bispo Diosece Dili no Vigariu geral Diocese Dili nian.

Iha fatin hanesan Pontu Fokal Rekursus Humanus husi Komisaun funsaun Públika Martinho Adao martins  mos hato’o ba Komisaun Organizadora konaba preparasaun eventu ne’ebe mak sei halo iha dia 15 de Jullo Loron komisaun funsaun publika nian maka, Husi komisaun Funsaun públika toma konta ba iha jornada  lao tuir saudoso Nilau Lobato nia ain fatin no atu hala’o ida ne’e ho durasaun tempu ninian, sei konsulta ho Presidente Komisaun Funsaun Publika hodi desidi orariu.